uyghur agéntliqi xewiridin élindi, 30-séntebir
uyghurlar, türkiye hökümiti we xitay hökümitini öz ichige alghan tereplerge bérilgen uyghurlarni qollash signali süpitide, amérikining türkiyede turushluq elchixanisi texminen on kün burun tartilghan süretlerni amérika-türkiye prézidéntliri aq sarayda uchrashqandin kéyin qayta oylinish arqiliq jama’etke sun’ghan.
amérikining türkiyede turushluq elchixanisi organ hésabati töwendiki mezmun we süretlerni ortaqlashqan:
«uyghur akadémiyisining «uyghur qirghinchiliqi yüz bériwatqanda, uyghur kimlikini qoghdash xelq’ara yighini» pa’aliyiti aldida amérika elchixanisi uyghur rehberliri, alimliri we pa’aliyetchilirini muzakirige chaqirghanliqidin pexirlinidu. biz uyghur teshkilatlirining qandaq tirishchanliq körsitiwatqanliqi we uyghur tili, medeniyiti, sen’iti we usulini qoghdashqa aktip qatnishiwatqanliqini biwaste chüshinish üchün bu yilliq yighin’gha qatnishish pursitige érishkenlikimizdin minnetdarmiz. ularning xizmiti uyghur xelqining molluq miraslirini qoghdashta intayin muhim ehmiyetke ige.»
