мән бүгүн 2020-йили 11-айниң 4-күни кәч саъәт 10:30 да, истанбулда хитай җасуслири тәрипидин тапанча билән етилип еғир йариланған, шу күндин һазирғичә бойниниң төвән тәрипи пүтүнләй паләч һалда йетиватқан йүсүпҗан һәққидә қисқичә тохталмақчи. тохтилиштин бурун, униң мушу айниң 18-күни фейсбук қатарлиқ иҗтимаъий учур васитилирида елан қилған «мураҗиъәт» намлиқ йазмисини (йаки синлиқ мураҗиъитини) диққитиңларға сунимән.
йуқириқилар йүсүпҗанниң бәш йилдин көп вақит өткәндә, амалсиз қалғанлиқидин йардәм сорап чиқарған мураҗиъити.
йүсүпҗан һәққидики хәвәрләр өз вақтида телевизор вә гезитләрдә қайта-қайта елан қилинип кәң тарқалған болғачқа, гәпни узартқум йоқ. йүсүпҗан көрүватқиниңлардәк техи йаш бала. мән икки йил бурун йоқлап барған вақтимда, у йәнә бир түрк билән икки кишилик бир йатақта йатқан икән. бешидин башқа пүтүн бәдини паләч болуп, узун йиллап йетивәргәчкә у йәр, бу йәрлири йириңлап тешилип кәткән икән. кәлгәнликимиздин хош болуп, күлүп туруп хели көп гәп қилип бәрди. икки қолини сәл-пәл мидирлиталайдиған болған икән. мән: «силини көтүрүп елип чиқип сәйнадики отлақта бирдәм йумилитип қойай, иккимиз деңизға елип кирәйли, бәллиригә кәлгүчә суға киргүзүп бирдәм су үздүрәйли…» дедим. әмма у идариниң мәсъуллири: «хәтәрлик… болмайду…» дәп йол қоймасмиш.
узун гәпниң қисқиси; ким-кимләр, қанчә киши бу қериндишимизни йоқлап туруватиду? тәшкилат вә рәһбәрлиримиз қандақ йардәмләрни давамлаштуруватиду? йүсүпҗанниң саламәтликиниң әслигә келиши немә үчүн бунчә узирип кәтти? йүсүпҗан немә үчүн бәш йил өткән бүгүнки күндә йардәм сорап мураҗиъәт чиқиришқа мәҗбур болди? вәтән үчүн оттуриға чиққанлар мушундақ харлишип, ташлинип қалса, ахири йардәм сорашқа мәҗбур болса… булар мени бир қанчә күндин буйан ичимни татилап ойландуруватқан соъаллар.
көпчилик, ичимиздә тәшкилат рәһбәрлиримиз, сийасәтчилиримиз, байлиримиз, иқтисадий шараъити йахши аңлиқ зийалийлиримиз бар. оқуған, тәҗрибилик рәсмий дохтурлиримиз бар. бу қериндишимизниң һалидин хәвәр елиш мушу хил инсанларниң мәсъулийити һәм мәҗбурийити әмәсму? тәшкилат рәһбәрлири мунасивәтлик кишиләр билән көрүшүп рухсәт алса, сийасәтчиләр мунасивәтлик кишиләр билән көрүшүп дөләтниң йардимини қолға кәлтүрсә, дохтурлиримиз — болупму мушу хил паләч кесәлләр саһәсидә тәҗрибилик дохтурлиримиз — қиммәтлик вақтини аҗритип давалашқа тиришип бақса… тиришиш дохтурлиримиздин, нәтиҗә аллаһтин болуп сақийип қалса әҗәб әмәс.
мунасивәтлик кишиләрниң ойлинип көрүшини үмид қилимән.
TL
TR14 0015 7000 0000 0130 7041 65
YUSUFUJIANG AIMATIJIANG
USD
TR13 0015 7000 0000 0131 4005 46
YUSUFUJIANG AIMATIJIANG
EURO
TR61 0015 7000 0000 0131 4005 55
YUSUFUJIANG AIMATIJIANG
QNB FİNANS BANK. EN PARA
TEL: 0505 572 2822
