men bügün 2020-yili 11-ayning 4-küni kech sa’et 10:30 da, istanbulda xitay jasusliri teripidin tapancha bilen étilip éghir yarilan’ghan, shu kündin hazirghiche boynining töwen teripi pütünley palech halda yétiwatqan yüsüpjan heqqide qisqiche toxtalmaqchi. toxtilishtin burun, uning mushu ayning 18-küni féysbuk qatarliq ijtima’iy uchur wasitilirida élan qilghan «muraji’et» namliq yazmisini (yaki sinliq muraji’itini) diqqitinglargha sunimen.
yuqiriqilar yüsüpjanning besh yildin köp waqit ötkende, amalsiz qalghanliqidin yardem sorap chiqarghan muraji’iti.
yüsüpjan heqqidiki xewerler öz waqtida téléwizor we gézitlerde qayta-qayta élan qilinip keng tarqalghan bolghachqa, gepni uzartqum yoq. yüsüpjan körüwatqininglardek téxi yash bala. men ikki yil burun yoqlap barghan waqtimda, u yene bir türk bilen ikki kishilik bir yataqta yatqan iken. béshidin bashqa pütün bedini palech bolup, uzun yillap yétiwergechke u yer, bu yerliri yiringlap téshilip ketken iken. kelgenlikimizdin xosh bolup, külüp turup xéli köp gep qilip berdi. ikki qolini sel-pel midirlitalaydighan bolghan iken. men: «silini kötürüp élip chiqip seynadiki otlaqta birdem yumilitip qoyay, ikkimiz déngizgha élip kireyli, bellirige kelgüche sugha kirgüzüp birdem su üzdüreyli…» dédim. emma u idarining mes’ulliri: «xeterlik… bolmaydu…» dep yol qoymasmish.
uzun gepning qisqisi; kim-kimler, qanche kishi bu qérindishimizni yoqlap turuwatidu? teshkilat we rehberlirimiz qandaq yardemlerni dawamlashturuwatidu? yüsüpjanning salametlikining eslige kélishi néme üchün bunche uzirip ketti? yüsüpjan néme üchün besh yil ötken bügünki künde yardem sorap muraji’et chiqirishqa mejbur boldi? weten üchün otturigha chiqqanlar mushundaq xarliship, tashlinip qalsa, axiri yardem sorashqa mejbur bolsa… bular méni bir qanche kündin buyan ichimni tatilap oylanduruwatqan so’allar.
köpchilik, ichimizde teshkilat rehberlirimiz, siyasetchilirimiz, baylirimiz, iqtisadiy shara’iti yaxshi angliq ziyaliylirimiz bar. oqughan, tejribilik resmiy doxturlirimiz bar. bu qérindishimizning halidin xewer élish mushu xil insanlarning mes’uliyiti hem mejburiyiti emesmu? teshkilat rehberliri munasiwetlik kishiler bilen körüshüp ruxset alsa, siyasetchiler munasiwetlik kishiler bilen körüshüp döletning yardimini qolgha keltürse, doxturlirimiz — bolupmu mushu xil palech késeller saheside tejribilik doxturlirimiz — qimmetlik waqtini ajritip dawalashqa tiriship baqsa… tirishish doxturlirimizdin, netije allahtin bolup saqiyip qalsa ejeb emes.
munasiwetlik kishilerning oylinip körüshini ümid qilimen.
TL
TR14 0015 7000 0000 0130 7041 65
YUSUFUJIANG AIMATIJIANG
USD
TR13 0015 7000 0000 0131 4005 46
YUSUFUJIANG AIMATIJIANG
EURO
TR61 0015 7000 0000 0131 4005 55
YUSUFUJIANG AIMATIJIANG
QNB FİNANS BANK. EN PARA
TEL: 0505 572 2822
