terjime qilghuchi: tahir imin uyghuriyan
kénnis ros (kishilik hoquqni közitish teshkilatining sabiq ijra’iye diréktori):
«men uyghurlar heqqide sorimaqchi. sizdin burunqi bashliq mishél bashlét »xitayning uyghurlargha qarshi insaniyetke qarshi jinayetlerni sadir qilghanliqini ispatlaydighan« nahayiti küchlük doklatni élan qilghanidi. siz wezipige olturghandin buyanqi ötken üch yilda, bir qétimmu xitayning uyghurlar üstidiki insaniyetke qarshi jinayetlirini eyiblep baqmidingiz. biraq bügün köpchilikning aldida, siz buni eyiblemsiz, tenqidlemsiz, yaki qandaq qilsingiz meyli, uyghurlargha qarshi natoghra mu’amililerni eyiblemsiz? özingizning tili boyiche, mishél bashlét élan qilghan insaniyetke qarshi jinayet ötküzüsh éhtimalliqi bar dégen doklatning mezmunini tekitlep ötemsiz?»
wolkér türk:
«men u doklatqa pütünley qoshulimen. men buni ashkara dep keldim; qanche qétim ashkara ipade bildürgenlikimni bilmeymen. shundaq, doklat élan qilindi, biraq kishilik hoquq kéngishi u doklatqa asasen birer qarar chiqarmidi. silerge melum bolghandek, u doklat – b d t kishilik hoquq kéngishide meghlubiyetke uchridi.
shundaq, méning istratégiyem xitay hökümiti bilen sözlishish, qayta-qayta, üzlüksiz sözlishish. peqet shinjangdiki bu ish heqqidila emes, belki yene xitayning bashqa jayliridiki xongkong, tibet we puqralar sahesi qatarliqlar toghrisida söhbetlishidighan pursetlerni izdesh. biz xitay bilen nahayiti janliq söhbetlerni ötküzduq, her derijilik emeldarlar bilen.
bu söhbetlerning biz hemmimiz ümid qilghan özgirishke élip bérish-bermeslikige kelsek, ilgirilesh nahayiti asta. shundaq, men bu sewebtin heqiqeten bekla binezer. bu ish üstide biz bar küchimiz bilen tirishiwatimiz. rastini dégende, téximu köprek ish qilishimiz üchün qolimizda yéterlik maliye küchi yoq. bu bizning xizmitimizning muhim bir qismi. biz tirishchanliqimizni dawam qilimiz, bu doklatqa qarita méning héchqandaq qarshi pikrim yoq.»
