uyghur pochtisi, 24-yanwar
uyghur pochtisi éniqlighan uchurlargha asaslan’ghanda, 2026-yili 1-ayning 13-küni yérim kéchide, türkiye saqchiliri istanbulning safaköy rayonida olturushluq uyghur muhajir, 48 yashliq abduqadirjan we uning 47 yashliq ayali xedicheni tutup ketken.
ularning baliliri teminligen uchurlirigha qarighanda, qoralliq saqchilar yérim kéchide öyge basturup kirip, héchqandaq tutush buyruqi körsetmestin er-ayal ikkeylenni élip ketken. bu tuyuqsiz basturush weqesi a’ilidiki üch qiz balini qattiq qorqunch we charisizliq ichide qaldurghan.
bu xewer uyghur pa’aliyetchi ihsan shükran teripidin tarqitilghandin kéyin, kengri tarqalghan.ihsanning bildürishche, bu er-ayal türmide jem’i 10 kün yatqan bolup, shübhelik namida tutulghan we torda bular heqqide uchur tarqilip 7 sa’ettin kiyn qoyup birilgen.
abduqadirjan ependi 2019-yili tayland türmiside töt yil etrapida qamalghandin kéyin, nurghun qiyinchiliqlar bilen türkiyege kelgen. u türkiyede qanunluq olturaqlishish ruxsiti (éqamet) bilen yashawatqan bolup, moto rémontchiliqi qilip a’ilisini baqmaqta idi. tutup kétilgen er-ayalning salametlik ehwali intayin nachar bolup, ikkiliside éghir derijidiki öpke késili we boghum yallughi barliqi bildürülmekte. nöwette, ularning néme sewebtin tutulghanliqi we qeyerge élip kétilgenliki heqqide éniq uchur yoq.
yéqindin biri türkiyede türkiye hökümiti nurghun uyghurlarni köchmenlik ehwali, kimlikige qoyulghan bixeterlik belgisi we bixeterlik gumani bilen tutqun qilip kelgen. bu heqte uyghur pochtisi alaqidar kishlerni ziyaret qilip xewer shligen idi.
muherir: gülqiz
