uyghur pochtisi, 6-yanwar
2022-yili ürümchide yüz bergen qabahetlik ot apitidin kéyin, xitayda kowid cheklimilirige qarita yamrighan «aq qeghez herikiti»ge qatnashqan we ijtima’iy taratqularda mezkur heriketke alaqidar bir sinni hembehirligen studént kamile wayit (Kamile Wayit) «esebiylikni terghib qilish jinayiti» bilen eyiblinip, üch yilliq qamaq jazasigha höküm qilin’ghanidi.
kamile wayit 28-dékabir jaza mudditi toshup qoyup bérilgen.
xelq’ara kechürüm teshkilati bügün élan qilghan xitayche bayanatida mundaq dédi: «bu uning adaletsiz mu’amilige uchrighan künlirining axirlashqanliqidin dérek béridu. biz da’irilerni uninggha dölet chégrasidin erkin kirip-chiqish we mektepke qaytip oqushini dawamlashturush qatarliq toluq erkinlik bérishke chaqirimiz. xelq’ara kechürüm teshkilati kamileni qollap imza qoyghan we awaz chiqarghan barliq qollighuchilargha chin könglidin rehmet éytidu. silerning herikitinglar zor ehmiyetke ige.»
