уйғур почтисиниң нәшр һоқуқи қаъидилири
муһим нуқтилар вә ишлитиш шәртлири
бу қаъидиләр «уйғур почтиси» тәрипидин ишләнгән барлиқ әсәрләрниң (хәвәр, мақалә, фото-сүрәт, син вә авазлиқ әсәрләр) нәшр һоқуқини қоғдаш вә башқуруш үчүн түзүлгән.
1. «уйғур почтиси» хадимлири үчүн қаъидиләр (ички бәлгилимә)
1.1. әсәргә игидарлиқ қилиш һоқуқи:
«уйғур почтиси» ниң хизмәтчилири өзлириниң вәзипә даъирисидә ишлигән барлиқ мәзмунларниң нәшр һоқуқи (шәхсий имза қойуш һоқуқидин башқа) аптоматик һалда «уйғур почтиси» ға тәвә болиду. хадимлар бу әсәрләрни башқа җайларда қайта ишлитиш үчүн алдин ички иҗазәт елишқа мәҗбур.
1.2. мәзмун мәнбәсини көрситиш:
барлиқ хадимлар сиртқи мәнбәләрдин алған учур, сүрәт йаки башқа материйалларни чоқум ениқ, тоғра вә толуқ мәнбә көрситиши керәк. башқиларниң нәшр һоқуқиға иҗазәтсиз дәхли-тәруз қилиш йаки әсәр оғрилаш қәтъий мәнъи қилиниду.
1.3. әқлий мүлүкни қоғдаш:
хадимлар «уйғур почтиси» ға тәвә болған барлиқ мәхпий учур, тәтқиқат нәтиҗилири вә нәшр қилинмиған материйалларни қоғдашқа, сиртқа ашкарилимаслиққа йаки өз мәнпәъәти үчүн ишләтмәсликкә мәҗбур.
2. сиртқи шәхсләр вә амма үчүн қаъидиләр (ишлитиш шәртлири)
2.1. пайдилиниш вә мәнбә көрситиш шәрти:
«уйғур почтиси» ниң әсли мәзмунидин нәқил елиш йаки пайдиланғанда, төвәндики шәртләргә чоқум әмәл қилиш тәләп қилиниду:
- әсли исим: ишлитилгән барлиқ мәзмунларниң ахирида чоқум «уйғур почтиси» ниң исми ениқ, көрүнәрлик вә айрип көрситилиши керәк.
- електронлуқ улиниш: әгәр мәзмун електронлуқ муһитта (тор бәт, иҗтимаъий таратқу) ишлитилсә, чоқум «уйғур почтиси» ниң әсли мақалисигә актип улиниш (Hyperlink) берилиши керәк.
2.2. қайта нәшр қилиш вә көчүрүш чәклимиси:
- текист чәклимиси: «уйғур почтиси» ниң әсли хәвәр, мақалә текистиниң әң көп 25% қисмидин ешип кәтмәйдиған бир бөликини нәқил елиш йаки ишлитиш рухсәт қилиниду.
- толуқ көчүрүш: әсәрниң толуқ текистини, шундақла униң зор қисмини, иҗазәтсиз қайта нәшр қилиш йаки көчүрүш қәтъий мәнъи қилиниду.
- фото-сүрәт вә син: «уйғур почтиси» ниң өзигә тәвә болған фото-сүрәт вә син материйаллирини қайта ишлитиш үчүн чоқум алдин йезиқчә рухсәт елиш тәләп қилиниду.
2.3. тиҗарәт мәқситидә ишлитиш:
«уйғур почтиси» мәзмунлирини һәр қандақ шәкилдики тиҗарәт йаки иқтисадий мәнпәъәт йаритиш мәқсәтлиридә ишлитиш қәтъий мәнъи қилиниду. тиҗарәт мәқсәтлиридә ишләтмәкчи болғанлар чоқум алдин «уйғур почтиси» ниң мәсъул хадимидин йезиқчә рухсәт елип, алаһидә келишим түзүши керәк.
3. уйғур почтисиға қарши нәшр һоқуқи даваси вә сүрәт мәнбәси
3.1. нәшр һоқуқи давасиға тутулуш сийасити:
«уйғур почтиси» нәшр һоқуқиға әстайидил муъамилә қилиду вә башқиларниң алақидар нәшр һоқуқини һөрмәтләйду. әмма, башқа мәнбәләрдин әсәр ишләткәндә, нәшр һоқуқи қануни рухсәт қилған даъиридә (мәсилән, «адил пайдилиниш» – Fair Use) алақидар сүрәтләрни ишлитиду. бу төвәндикидәк әһвалларда алаһидә муһим дәп қарилиду:
- җиддий инсаний һоқуқ мәсилилирини йорутуп бериш;
- аммини тәрбийиләш вә учур бериш;
- сахта учурларни паш қилиш вә түзитиш.
«уйғур почтиси» бу хил әһвалларда сүрәтләрниң хәлқ үчүн ишлитилиш қиммитини асас қилиду.
3.2. сүрәт ишлитиш вә чәкләшкә қарши туруш:
уйғур почтиси өзиниң хизмәтлирини чәкләш йаки бузуш нийитидә елип берилған тәһдит селиш, иқтисадий төләм тәләп қилиш қатарлиқ һәр қандақ усуллардики паракәндичилик вә бесимларни қәтъий рәт қилиду.
3.3. «уйғур почтиси» ниң сүрәт мәнбәлири:
«уйғур почтиси» асаслиқи төвәндики мәнбәләрдики сүрәтләрни ишлитиду:
- «уйғур почтиси» сүрәтләр топлими (өз әсәрлири).
- ишлитилиши биваситә рухсәт қилинған сүрәтләр.
- уйғурлар тарқатқан сүрәтләр (рухсәт сораш, әскәртиш йаки өзигә әвәтип бериш арқилиқ елинған).
- иҗтимаъий аммиви (һәқсиз) саһәдики әсәрләр (Public Domain).
- мәхсус нәшр һоқуқи болмиған сүрәтләр топлими.
2.4. хилаплиқ қилғанда көрүлидиған қануний мәсъулийәт:
бу нәшр һоқуқи қаъидилиригә хилаплиқ қилиш әқлий мүлүккә дәхли-тәруз қилғанлиқ һесаблиниду. «уйғур почтиси» өз һоқуқини қоғдаш вә иқтисадий зийанни тәләп қилиш үчүн қануний тәдбир қоллиниш һоқуқини сақлап қалиду.
бу қаъидиләр «уйғур почтиси» ниң қануний вә әхлақий пиринсиплириға асасән түзүлгән болуп, вақит вә алақидар амилларға асасән әгишип өзгәртилиши мумкин.
