уйғур почтиси
һәбибулла изчи, 18.03.2026
25-феврал күни, йапонийә уйғур җәмъийити тәрипидин йапонийә авам палатаси бинасида өткүзүлгән илмий муһакимә йиғинида гуманлиқ бир хитай әрниң йиғин мәйданида тохтимастин оғурлуқчә сүрәткә тартиши йиғин тәшкиллигүчиләр вә йапонийә бихәтәрлик тармақлириниң диққитини тартқан.
йапонийә бихәтәрлик тармақлириниң тәкшүрүши нәтиҗисидә, бу әрниң токйодики бир университетта оқуватқан бир хитай оқуғучиси икәнлики вә у күни йапонийә авам палата бинасиға йерим күнлүк сайаһәт ниқаби астида хитай җасуслириниң орунлаштуруши билән 6000 йапонийә йени бәдилигә йиғин қатнашқучилирини вә паъалийәт җәрйанини сүрәткә тартиш үчүн кәлгәнлики вә униң униң илгириму охшаш паъалийәтләрдә бу хил җасуслуқ хизмити билән шуғулланғанлиқи мәлум болған.
бу һәқтики хәвәрләрдә; буниң йалғуз бу қетим паш болған бир вәқә әмәслики тәкитлинип, йапонийәдә һәр қайси университитларда оқуватқан, буниңдәк оқуғучи сийақидики җасусларниң давамлиқ уйғур, тибәт, моңғул вә хитайлиқпаъалийәтчиләрни вә уларниң һәркәтлирини системилиқ назарәт қилидиғанлиқи,намайиш вә паъалийәткә қатнашқучиларни сүрәткә тартидиғанлиқи, бу арқилиқ уларниң вәтәндики аъилилиригә бесим ишлитилиши мумкинлики шундақлабуниң чегра һалқиған бастуруш икәнлики илгири сүрүлгән.
бу хитай җасусиниң паш болуш вәқәси йапонийә ахбаратлирида, хитайниң бу хил җасуслуқ паъалийәтлирини чәкләйдиған күчлүк қанун рамкисиниң йоқлуқидин әндишә қозғиған болуп; йапонийәдики һәр қайси муһаҗирәт җәмъийәтлириниң паъалийәтлирини хитай җасуслириниң назарәт қилиши, һәтта тәптартмастин парламент ичидиму җасуслуқ вәқәсиниң йүз бериши,хитайниң« чегра һалқиған бастуруш» һәркитиниң йапонийә парламент ичигиму сиңип киргәнликини вә йапонийәдики бихәтәрлик вә қануний бошлуқларниң мәвҗутлуқини көрситип бериду, дәп қариған.
