27-yanwar
muherirdin : «uyghur pochtisi» (Uyghur Post) tori muhajirettiki uyghur siyasiy herikitining musapisini sistémiliq xatirilesh, arxiplashturush we awamgha tonushturush meqsitide, teshkilatlarning yilliq xizmet xulasilirini élan qilishni bashlidi. biz herqaysi teshkilatlarning ötken bir yilda élip barghan muhim pa’aliyetlirini «uyghur pochtisi» arqiliq jem’iyet bilen ortaqlishishni ümid qilimiz.
bu teshebbus teshkilatlar ara öz’ara chüshinishni kücheytish, qolgha keltürülgen netijiler arqiliq xelqimizge ümid we righbet béghishlash we uyghur dewasining netijilirini untulmas tarixiy höjjetke aylandurush qatarliqlarni meqset qilghan.
1. taylandtiki uyghurlarning teqdiri küntertipke keltürüldi
2014-yilidin béri taylandta tutup turuluwatqan 48 uyghurning xitaygha qayturulmasliqi we üchinchi bir bixeter döletke ewetilishini telep qilip, enqerediki tayland elchixanisi aldida parlamént ezaliri, siyasiy partiye we ammiwi teshkilat mes’ullirining ishtirak qilishi bilen metbu’at bayanati élan qilindi hemde telep xéti elchixanigha tapshuruldi.
2. ghulja qirghinchiliqining 28 yilliqi enqerede xatirilendi
«dunya uyghur qurultiyi wexpi» we bashqa qérindash teshkilatlarning birlikte uyushturushi bilen, «5-féwral ghulja qirghinchiliqi»ning 28 yilliqi munasiwiti bilen shehidlerni eslesh pa’aliyiti ötküzüldi. pa’aliyetke parlamént ezaliri, muxbirlar we akadémiklar qatnashti.
3. merhum memet riza békin pasha eslendi
sherqiy türkistan wexpining sabiq re’isi merhum memet riza békin pasha wapatining 15 yilliqini eslesh pa’aliyiti enqerede ötküzüldi. pa’aliyet da’iriside «sherqiy türkistan kürishi» témisida söhbet yighini élip bérildi. bu munasiwet bilen «azfli jem’iyiti»ge we adwokat arzuman azafligha alahide teshekkür éytimiz.
4. barin inqilabining 35 yilliqi we barin rohi xatirilendi
sherqiy türkistan uyghur teshkilatliri birliki teripidin 5-aprél barin inqilabining 35 yilliqi munasiwiti bilen eslesh we du’a qilish pa’aliyiti ötküzüldi. yighinda barin rohining xelqimizge bolghan tesiri we azadliqqa bolghan ishench muzakire qilindi.
5. «yawro-asiya bir wexpisi»de léksiye bérildi
«yawro-asiya bir wexpi» teripidin uyushturulghan sherqiy türkistan témisidiki yighin’gha sözligüchi süpitide qatnashtuq. wexpe re’isi shaben gülbahar ependi we bashqa sözligüchilerge minnetdarliq bildürimiz.
6. siyasiy partiyeler bilen uchrishish élip bérildi
türkiye uyghur teshkilatliri birliki süpitide, enqerede siyasiy partiye rehberliri we parlamént ezalirini ziyaret qilip, uyghur mesilisining hazirqi ehwali we qilinishqa tégishlik xizmetler heqqide teleplirimizni sunduq.
7. dunya uyghur qurultiyi re’isi turghunjan alawudun istanbulda ziyarette boldi
dunya uyghur qurultiyi re’isi turghunjan alawudun ependini kütüwélish we istanbuldiki teshkilat mes’ulliri, ölimalar, ziyaliylar we yashlar bilen jem bolush pa’aliyiti ötküzüldi.
8. zeper partiyesige ziyaret élip bérildi
dunya uyghur qurultiyi re’isi turghunjan alawudun bashchiliqidiki hey’et «zeper partiyesi» re’isi piroféssor ümit özdaghni ziyaret qilip, uning sherqiy türkistan mesilisige körsetken qizghinliqigha teshekkür bildürdi.
9. «yéngidin refah» partiyesi bilen körüshüsh
dunya uyghur qurultiyi hey’iti «yéngidin refah» partiyesi re’isi doktor fatih erbakanni ziyaret qilip, uyghur dawasini qollighanliqi üchün minnetdarliq bildürdi.
10. uyghur kimlikini qoghdash yighinida doklat bérildi
uyghur akadémiyesi teripidin enqerede uyushturulghan «uyghur irqiy qirghinchiliqi dawamlishiwatqan peytte uyghur kimlikini qoghdash» témisidiki yighinda, ammiwi teshkilatlar ara hemkarliqning ehmiyiti heqqide doklat berduq.
11. ishghaliyetning 76-yiligha qarshi namayish élip bérildi
sherqiy türkistanning xitay kompartiyesi teripidin ishghal qilin’ghanliqining 76 yilliqi munasiwiti bilen, istanbuldiki uyghur teshkilatliri birlikte namayish ötküzüp, ishghaliyetni hergiz qobul qilmaydighanliqini jakarlidi.
12. 12-noyabir jumhuriyet bayrimi tebriklendi
istanbulda 12-noyabir sherqiy türkistan jumhuriyet küni munasiwiti bilen chong tiptiki xatirilesh pa’aliyiti ötküzüldi. pa’aliyetke zeytinburnu rayonluq hökümet bashliqi doktor adem uslu we köpligen teshkilat re’isliri qatnashti.
13. isa yüsüp alptékinni eslesh pa’aliyiti ötküzüldi
merhum rehbirimiz isa yüsüp alptékin wapatining 30 yilliqi munasiwiti bilen, «isa yüsüp alptékin wexpi» we «dunya uyghur qurultiyi wexpi» teripidin «üch ependiler we shehidlerni eslesh pa’aliyiti» ötküzüldi.
uchurlarni retlep teyyarlighuchi: tayir imin,neshr hoquqi uyghur pochtisgha tewe, ruxsetsz köchürüshke bolmaydu.
