27-séntebir
istanbulda 10 yildin béri qanunluq olturush ruxsiti bilen yashap kelgen, özining halal tijariti arqiliq a’ilisini béqip kelgen we alte perzentning dadisi bolghan yasin memet 22-séntebir 2025-yili, düshenbe küni istanbulda yolda kétiwatqanda saqchilar teripidin kimlik tekshürüsh jeryanida tutulghan.
yasin memetning kimlikining waqti toshqan bolup, kimlikini uzartish üchün istanbul göch idarisigha resmiy iltimas qilghan we qolida kimlikining uzartqanliqigha da’ir ispatliri bar iken. shundaq bolsimu saqchilar »kimliking yoq« dégen seweb bilen uni tutup ketken.
hazir yasin memet «ming qilich» qayturush merkizide tutup turuliwatqan bolup, bu natoghra tutush sewebidin alte bala dadisiz, a’ilisi charisiz qalghan.
mezkur uchur yasin memetning a’ilisining teliwi boyiche yézilghan bolup, yasin memetning a’ilisi «biz yasin memetning derhal qoyup bérilishini telep qilimiz we barliq qérindashlarni bu heqsizlikke qarshi awaz chiqirishini ümit qilimiz» dégen.
mezkur uchurni éhsan shükran jezimleshtürgen .
türkiyede uyghurlarning tuyuqsz yoqap kétish, tutqun qilinish hadsiliri izchil dawamlishwatqan bolup, bu türkiye uyghurliri arsida endishe peyda qilmaqta
