uyghur pochtisi,
18-féwral
istanbul – xitayning lagir sistémisi we uyghurlarni jasusluqqa mejburlash qilmishlirini ashkarilighan muhim shahitlarning biri bolghan yüsüpjan emet, nöwette duch kéliwatqan éghir salametlik we iqtisadiy qiyinchiliqliri sewebidin uyghur jem’iyitige muraji’etname élan qildi.
yüsüpjan emet 2020-yili istanbulda qestke uchrap oq tégip yarilan’ghandin buyan, bedinining astinqi qismi palech halette dawaliniwatqan bolup,fizikiliq eslige keltürüsh dawalashlirining tennerxi intayin yuqiri bolup, ayliq xirajiti 30 ming türkiye lirasidin éship ketken. bu chiqimlarni öz aldigha qamdashqa qadir bolalmaywatqanliqini éytti.
u muraji’itide töwendikilerni bildürdi:
«essalamu eleykum dunyaning herqaysi jaylirida yashawatqan eziz qérindashlirim. men qérindishinglar yüsüpjan emet bolimen. kemine 2020-yili 11-aydin bashlap doxturxanida yéitip dawalinwatimen.
bedinimning( boynumning) astinqi qismi palech hem uzun muddet yétiq halette bolghachqa dümbemde yétiq yariliri peyda bolup, her xil dawalinishlargha duch kéliwatimen. allagha shükürler bolsun, ewwili allaning shipasi andin qalsa silerdek qérindashlirimning du’alirining berikiti bilen bu ramizan’gha salamet ulashtim.
eziz qérindashlirim! kemine özümning hajitidin hélihem musteqil chiqalmaymen. bedenni eslige ekilish fizikiliq dawalishi bolsa öz xirajitim bilen élip bérilidighan hemde uzun mezgillik dawalinish bolghachqa bir aydila xirajet 30 ming télidin ashidighan bolghachqa bu murajetni silerge yézip olturuptimen.»
