uyghur pochtisi, 9-féwral
londunda, uyghur yash-ösmürlerge uyghur kimliki we uyghur milliy éngi boyiche terbiyelesh élip bérilidu. teshkilligüchilerdin abduweli ayup ependining uyghur pochtisigha bildürishche, uyghur kimliki we uyghur milliy éngi yétishtürüsh meqsitide, londun shehiride yawropadiki yash-ösmürler üchün üch künlük edebiyat-sen’et kursi we pa’aliyetler uyushturulidu.pa’aliyetke en’giliye uyghur jama’iti sahipxanliq qilidu.
kursta oqughuchilar zulhayat ötkür, mirkamil türkel we abduweli ayup qatarliq kespi we tejribilik oqutquchilarning yétekchilikide, uyghur til-edebiyati, medeniyiti we sen’itige a’it mezmunlardin ders alidu we biwasite emeliyettin ötküzüsh purstige érshidu.
oqutquchilardin zulhayat ötkürortaqlashqan uchurgha asaslan’ghanda, bu 4-qétimliq kurs bolup, oqughuchilar bilim élish we’uyghurluq rishtisini chingitish purstige érishken. «ilgiriki qétimlarda kursqa qatnashqan oqughuchilirimizning inkaslirigha qarighanda, kurs jeryanida oqughuchilar yalghuz bilim élish pursitige érishipla qalmastin, öz’ara tonushush, uyghurluq rishtisini chingitish jehetlerdinmu ünümlük netijilerge érishken.»
qatnashquchilarning yataq we tamaq rasxodlirini en’giliye uyghur jama’iti üstige alidighan bolup, qatnashquchilarning sani cheklik iken, en’giliye sirtidin peqetla 20 neper oqughuchi qobul qilinidiken.herqaysi döletlerde yashawatqan 14 yashtin 17 yashqiche bolghan yash-ösmürlerdin qiziqquchilar bolsa, töwendiki élxet adrésigha isim-familisi, yéshi, döliti we ata-anisining alaqilishish usuli qatarliqlarni yollash arqiliq tizimlatsa [email protected] arqiliq tézimlatsa bolidiken.tizimlitish waqti 2026-yil 2-ayning 5-künidin 3-ayning 5-künigiche bolup, kurs mudditi 2026-yil, 5- ayning 1-künidin 3- künigiche iken.
