uyghur pochtisi, 14-öktebir
OpenAI shirkiti ChatGPT ni ishlitip keng kölemlik ijtima’iy taratqularni «nazaret qilish» tekshürüshi we mexsus sün’iy idirak arqiliq közitish sistémisi üchün layihe we teshwiqat matériyallirini tüzüshke urun’ghan bir qanche xitaygha chétishliq teshkilatlarning hésabatini chekligen. shirketning eng yéngi tehdit doklatida tepsiliy bayan qilin’ghan bu heriket, ammiwi sün’iy idirak téxnikisining melum döletlerge qarashliq jasusluq we iz qoghlash heriketliri üchün qanunsiz ishlitilgenlikini ispatlaydu.
OpenAI mundaq dégen: «biz yene bir ishletküchini chekliduq, u belkim bir hökümet orginigha chétishliq bolup, u ChatGPTtin »yuqiri xeterlik uyghurlargha chétishliq éqip kirish agahlandurush endizisi« (高危涉维吾尔关注人员流入预警模型) dep atalghan bir layihe yézish heqqide yardem sorighan. bu layihide qatnash béletlirini tehlil qilidighan we ularni saqchi xatiriliri bilen sélishturidighan bir qoral teswirlen’gen bolup, bu arqiliq ‘uyghurlargha chétishliq we yuqiri xeterlik’ (bashqiche éniqlanmighan bir tür) dep türge ayrilghan kishilerning sayahet heriketliri toghrisida baldur agahlandurush bérish közde tutulghan. bu ishletküchi bizning endizimizdin bu xil qoralni yasashqa yardem sorimighan, belki peqet omumiy layihe tüzüshke yardem sorighan; shunga, biz ularning qaysi téxnikini ishletmekchi bolghanliqini yaki bu xil qoralning xitay hökümet orgini teripidin ishlitilgenlikini musteqil jezmleshtürelmeymiz.»
«yuqiri xeterlik uyghurlargha chétishliq éqip kirish agahlandurush endizisi»ni tereqqi qildurush -uyghur shexslerning herikiti we alaqisini iz qoghlash üchün layihelen’gen. OpenAI ning dölet bixeterlikige xilapliq qilish, jümlidin közitish we yaman gherezlik kodlarni tekshürüsh qatarliqlargha qarshi turush siyasitige asasen, bu hésabatlar derhal cheklendi, dédi OpenAI.»
Hudson institutining ali derijilik tetqiqatchisi maykél sobolik (Michael Sobolik) OpenAI ning bu herikitini qarshi élip, «OpenAI ning sün’iy idirakning démokratik we jem’iyetke alaqidar tesirlirige estayidil mu’amile qilghanliqini körüsh kishige ümid béghishlaydu» dédi.
bu OpenAI ning xitay dölitige chétishliq hésabatlarni tunji qétim cheklep tashlishi emes, bu uyghurlarning izini qoghlash we bashqa shekildiki siyasiy we milliy közitish üchün chong til endizilirini ishlitish üchün qilin’ghan uzun’gha sozulghan tirishchanliqni gewdilendüridu.
