аптори: муһәммәд йүсүп
(уйғур почтиси охшмиған саһәләрдики уйғур авазлириға сәһнә бириш қаъидиси бойичә, интирнитта тарқалған, көп хиллиқни әкс әттүридиған хәвәр вә мақалиларни илан қилиду.)
20 йилдин буйан мәккидә йашаватқан, җамаъәтчиликниң ишлирини қилиш, кишиләргә халисанә йардәм қилиш билән тонулған вә уйғур пәрзәнтлирини оқутуш билән шуғулланған йахшилиқ сөйәр вә мәрипәтпәрвәр акимиз абдулкәрим һаҗим (қәшқәрий) бүгүн милади2026-йили3-айниң 31-күни әтигәндә туйуқсиз вапат болди. мәрһумға аллаһ таъаладин фирдәвс җәннити, пәрзәнтлиригә сәвр вә әҗир әзим тиләймиз.
абдулкәрим һаҗим қәшқәрий 1966-йили қәшқәр шәһәр куна урус кунсулханиси арқисидики «қуруқ терәк»мәһәлисидә туғулған, өзи салиһ мәрепәтпәрвәр, вәтинини, йурт – җамаъитини вә миллитини йахши көридиған кәмтәр, ишчан, мәрт, сехе киши иди. вәтәндики вақтидиму әл-җамаъәтниң ишлирини көңүл бөлүп қилидиған, йетим-йесирларниң бешини силайдиған, йоқсулларға йардәм қилидиған киши иди.
абдулкәрим һаҗим вәтәндә «қезил гүл» миллие таъамлар турт печинә-пираник ресторанини ачқан. бу киши йаш вақтидин башлап қоли очуқ, сехи, мәрт адәм болуп, йетим-йесирларға вә мухтаҗларға куп йардәм қилатти йурт чоңлири вә елим әһлини наһайити һөрмәтләп, дастихан селип уларниң көп хизмитидә болған.
мәрһум мәккидә олтурақлишип қалғандин кейинму, өзиниң елим сөйәрликиниң түрткисидә, көп әҗир қилип, вәтинимиздин чиқеп хиттай зулмидин қурқүп йуртиға қайталмиған уйғурларниң пәрзәнтлири үчүн ана тил вә қуръан курси ачқан болуп, бу йолда һармай -талмай ишләп көп тәр төккән, мәккидики уйғур муһаҗирлириниң той- төкүн вә һейит- байрамлардики йиғилишларни орунлаштуруп иҗтимаъий хизмәттә үлгә йаратқан.
мәрһум қоли очуқ, өзи сехи адәм болуп, бу есил хислитини узиниң әң қийин күнлиридиму қәтъий тохтитип қоймиған. пурсәт таписила илим – әһли, мусапир, талибул илим вә йетим- йесирларға дастихан селип, өзиниң меһмандостлуқи муһаҗирәттики җамаъитимизниң қәлиб қетидин йүксәк урүн алған. көплигән уйғур пәрзәнтлириниң қәлбигә иман салған вә уларға ислам динимизни өгитип йетиштүргән.
аллаһ таъаламәрһум акимизни өзиниң чәксиз рәһмити вә мәғпиритигә дахил қилғай, орнини фирдәвс җәннәтлиридин қилғай, аъилә әзалириға сәвр-тақәт, әҗир-әзим ата қилғай, амин.
