muherirdin : «uyghur pochtisi» (Uyghur Post) tori muhajirettiki uyghur siyasiy herikitining musapisini sistémiliq xatirilesh, arxiplashturush we awamgha tonushturush meqsitide, teshkilatlarning yilliq xizmet xulasilirini élan qilishni bashlidi. biz herqaysi teshkilatlarning ötken bir yilda élip barghan muhim pa’aliyetlirini «uyghur pochtisi» arqiliq jem’iyet bilen ortaqlishishni ümid qilimiz.
bu teshebbus teshkilatlar ara öz’ara chüshinishni kücheytish, qolgha keltürülgen netijiler arqiliq xelqimizge ümid we righbet béghishlash we uyghur dewasining netijilirini untulmas tarixiy höjjetke aylandurush qatarliqlarni meqset qilghan.
töwendiki maqale-«uyghur projékt fondi» teripidin teyyarlan’ghan.
uyghur projékt fondi (u p f) 2019-yili 6-ayning 12-küni amérikida tizimlitilip qurulghan bir «tapawetsiz teshkilat». u p f qurulghandin buyan uyghur tili, uyghur medeniyiti we uyghurluqning bashqa éléméntlirini chet elde saqlap qélish, chet eldiki uyghurlarni küchlendürüsh, uyghurlarning béshigha kelgen zulumni dunyagha anglitishqa paydiliq bolghan her xil projéktlargha iqtisadiy jehettin yardem qilish, chet elde yashawatqan uyghurlardiki milletning kelgüsige bolghan ishench chirighini yandurup turush jehette her xil ishlarni qilip keldi. ularning ichide, uyghur projékt fondi 2025-yili qilghan asasliq ishlar töwendikiche:
- «uyghurlar» tor zhurnilidin besh san chiqardi:
https://uyghursfoundation.org/uyghur/category/the-uyghurs-journal
- u p f tarmiqidiki «uyghur axbarat merkizi» her heptide kem dégende ikki parche widiyo pirogrammisi ishlep, ularni yutyub, feyisbuk, instagram we wats’ep qatarliq ijtima’iy taratqularda tarqatti. bu tür hazirmu dawamlishiwatidu.
https://www.youtube.com/@UyghurAxbaratMerkizi, https://www.facebook.com/uyghuraxbarat.merkizi/reels/, https://www.instagram.com/uyghuraxbaratmerkizi/, https://whatsapp.com/channel/0029Va83BTWIyPtWFkED0a1S, https://www.uyghurinfo.org/uyghur/
- u p f we uyghur axbarat merkizining ikki tor bétini mangdurdi, hemde uyghur kompyutér ilmiy jem’iyiti arqiliq «kelnur.com» dégen toy qilmighan qiz-yigitlerning layiq tépishigha yardem qilidighan tor bétini mangdurdi. bu türler hazirmu dawamlishiwatidu.
https://uyghursfoundation.org/,
- u p f uyghur edliye arxip ambiri 2023-yili bashlighan, chet elde saqliniwatqan 5000 parche uyghurche kitabni PDF höjjitige aylandurup, bir tor kutupxanisi qurup chiqish türige iqtisadiy yardem qilghan bolup, bu tür hazirmu dawamlishiwatidu.
- u p f 2023-yili wetende 1990-yillarda neshr qilin’ghan 60 ming sözlük «uyghur tilining izahliq lughiti» ni tor lughitige aylandurush türini bashlighan bolup, hazir bu türning 2026-yili tamamlinidighanliqi mölcherliniwatidu.
- uyghur kompyutér ilmiy jem’iyiti élip bériwatqan «ming sa’etlik uyghurche ochuq awaz ambiri» türige iqtisadiy yardem qildi. bu tür hazirmu dawamlishiwatidu.
- u p f ning iqtisadiy yardimi bilen neshr qildurghan bir yürüsh balilar kitabidiki shé’ir-qoshaqlarni alte dane uyghur balilar naxshisi widiyosi qilip ishlesh türi bashlandi. bu türni 2026-yili tamamlash pilanlandi. bu widiyolar burun wetende ishlen’gen mawu widiyo bilen oxshap kétidu:
- u p f ning teshkillishide 2025-yili sün’iy idrak eqil ambirigha uyghur kimlikini tonutush projékti bashlandi. bu tür hazirmu dawamlishiwatidu.
- u p f ning teshkillishide 2025-yili uyghur dewasining péshqedem yétekchiliri we aktiplirining hayatini tonushturidighan höjjetlik widiyo ishlesh projékti bashlandi. bu tür hazirmu dawamlishiwatidu.
- abduweli ayup teyyarlighan «élipbe» kitabidin 500 dane basturushqa yardem qildi.
- türkiyede balilirini mektepte oqutushta iqtisadiy qiyinchiliqi bar a’ililerge yardem qilishni xalaydighan saxawetchi uyghurlarni teshkillep, türkiyediki yette a’ilige izchil yardem qilishta teshkilligüchilik rolini oynidi.
