uyghur pochtisi – uyghur tilidiki musteqil axbarat wasitisi;
uyghurlarning dewrimizdiki ehwali, köz-qarashliri we awazi üchün erkin sehne. uyghurlarning ana wetini we di’asporasi heqqidiki muhim xewerler, uyghurlarning hoquqi we xelq’ara inkaslar, medeniyet, siyaset we iqtisad heqqidiki yéngi uchurlar we qerellik analizlar ilan qilinidu.
uyghur pochtisi kishilik hoquq, medeniyet, siyaset we iqtisad qatarliq sahelerdiki muhim xewer, chongqur tehlil we waqtida doklatlarni yetküzidu—bular ana yurt, yer sharidiki di’aspora we uyghurlargha tesir körsitidighan xelq’araliq inkaslar toghrisidiki özgirishlerni öz ichige alidu.
shundaqla, biz til, medeniyet, köchmenlik we ma’aripqa oxshash yer sharidiki uyghur di’asporasi ehmiyet béridighan témilarda, uyghurlarning köp xil awazi, nuqti’inezerliri we hayat tejribilirini ekis ettüridighan erkin we ochuq supa rolini oynaymiz.
uyghur pochtisining ghayisi: uyghur pochtisi – uyghurlarning bügünki ré’alliqini xatirilesh we uyghurlarning awazini bildürüshni ghaye qilidu. uyghur pochtisi – muhajirette uyghur tilida kespiyleshken, musteqil we ishenchlik uyghur tilliq axbarat boshluqini toldurush üchün quruldi.
uyghur pochtisining qurulushi:
uyghur di’asporasi uzundin buyan uyghur ana yurtidiki ehwallarni xewer qilipla qalmay, yene yer sharidiki uyghur jem’iyiti ichidiki köp xil awaz we nuqti’inezerlerni ekis ettüridighan ochuq, séghdurushchan supa bilen teminleydighan musteqil, obyéktip taratqugha, dunyaning her qaysi jayliridiki addiy, da’im untulup qalidighan uyghurlarning hékayilirining anglinishi we saqlinishigha kapaletlik qilidighan bir süpetlik taratqu apparatigha idu éhtiyajliq idi.
keng étirap qilin’ghan we ishenchlik xewer wasitilirining yoqluqi sewebidin, testiqlanmighan uchurlar, ichki talash-tartishlar we xitay döliti qollighan yalghan uchurlar uchur boshluqini barghanséri toldurup, uyghur jem’iyitining heqiqet, erkin söz we uchurgha ige ammiwi munazire élip bérish yoligha téximu tosqunluq qildi.
bu jiddiy éhtiyajni tonup yetken uyghur tilshunas (terjiman) we tetqiqatchi, uzun yilliq bashqurghuchi tahir imin, bir guruppa uyghur ziyaliylirining qollishi bilen uchur saheside uyghurlarning esliy we ishenchlik awazini eslige keltürüshke béghishlan’ghan kespiy we musteqil uyghur tilidiki médiya supisi UyghurPost.com ni qurup yolgha qoydi.
teshkiliy qurulma: uyghur pochtisi nöwette tézimlan’ghan organ namida meshghulat qilip, payda almaydighan organ resmiyitini ijra qiliwatqan bolup, hichqandaq syasi organ’gha béqinmaydu. uyghur pochtisi musteqil bashqurush we tehrir hey’iti, muxbir we yazghuchilar shundaqla obzorchilar guruppisidin terkib tapqan bolup, muxbirlar guruppimiz siyasi partiye-teshkilatlar bilen baghlanmaydu. nöwette, teshkilatimiz maliye jehette özini özi teminleydighan bashqurghuchilar we aptorlar qoshunigha tayinidu.
tehrir hey’iti bir qanche közge körün’gen uyghur shexslirini öz ichige alidu: yazghuchi, filim shligüchi we sha’ir tahir hamut izgil (bash muherir); sabiq erkin asiya radiyosining yuqiri derijilik muxbiri shöhret hoshur (tehrirat meslihetchisi); tehrir we zhurnalist selime kamal (bashqurghuchi tehrir, awstraliye); uyghur yazghuchi abduweli ayup ( muherir, norwégiye,); we tilshunas we tetqiqatchi abduréhim parach (türkiye, tehrir).
téximu toluq xizmet etritining (muxbirlar, doklatchilar we obzorchilarni öz ichige alidu) we ularning terjimihalini körüsh üchün, toluq xizmet etriti bétini ziyaret qiling.
tarqitish supisi: «uyghur pochtisi» mezmunlirini tor béket we ijtima’iy taratqular arqiliq tarqitidu. u yéziq, süret, podkast (Podcast) we widé’o (Video) shekildiki her xil mezmunlarni ishlep chiqirip oqurmenlerge sunidu.
in’glizche terjime: «uyghur pochtisi»ning uyghur insan heqliri we di’asporagha da’ir xewer-maqaliliri terjime qilinip, «uyghur taymiz»gha oxshash uyghurlargha da’ir in’glizche tor béketlerde élan qilishqa tewsiye qilinidu.
2025-yili, 27-séntebr washin’gton
