gollandiyede oquwatqan xu yang «jidel térish» jinayiti bilen tutup turulup, üch aydin buyan adwokat bilen körüsh hoquqidin mehrum qalghan.
xelq’ara kechürüm teshkilati (Amnesty International) xitay da’irilirining chet eldiki puqralargha qarita yürgüzüwatqan dölet halqighan basturush siyasitini qattiq eyiblidi. teshkilat gollandiyediki oqughuchi xu yangning qanuniy hoquqlirigha jiddiy kapaletlik qilishqa chaqirdi.
melumatlargha asaslan’ghanda, xu yang 7-ayning axirida xitaydiki öyige qaytqan waqtida, saqchilar teripidin «jidel térip, malimanchiliq chiqirish» dégen qalaymiqan jinayet bilen tutulghan.
tutup turulushqa üch aydin ashqan bolsimu, anisi teklip qilghan adwokatlar uning bilen körüshelmigen. gerche körüshüsh iltimasi tor sistémisidin testiqlan’ghan bolsimu, saqlash orni xadimliri adwokatlarning körüshüshini qayta-qayta ret qilghan. xu yangning oqushi bashlan’ghan, emma u yenila tutup turuluwatqanliqi üchün mektepke qaytalmighan.
xelq’ara kechürüm teshkilati xitay da’irilirini bu xil qilmishini derhal toxtitishqa we xu yangning adwokat bilen körüshüsh hoquqini öz ichige alghan barliq qanuniy hoquqlirini choqum kapaletke ige qilishqa chaqirdi.
