америкиниң бир түрлүк әң йеңи тәтқиқатида көрситилишичә, зийадә пишшиқлап ишләнгән йемәкликләрни зийадә көп истемал қилғанда бәдәндики йаллуғни көрүнәрлик ашуруветидикән, униң үстигә йашанғанлар, тамака чәккүчиләр вә семиз кишиләр топида техиму көрүнәрлик болидикән. пән тәтқиқат хадимлири агаһландуруп мундақ дәйду: зийадә пишшиқлап ишләнгән йемәкликләр рак кесили вә башқа созулма кесәлликләрниң хәвп-хәтирини ашуруветиши мумкин, шуңа техиму қаттиқ сағламлиқ сийаситини йолға қойушни мураҗиъәт қилимиз.
зийадә пишшиқлап ишләнгән йемәкликләр санаъәтләштүрүп бир тәрәп қилинған йемәкликләрни, мәсилән, газлиқ су, ушшақ-чүшшәк йемәклик вә пишшиқлап ишләнгән гөш түрлирини көрситиду. бу хил йемәкликләрниң тәркибидә хуруч мол болуп, озуқлуқ қиммити зор дәриҗидә төвәнләп кетидикән һәмдә асанла зийадә көп қобул қилишни кәлтүрүп чиқиридикән. буниңдин илгирики тәтқиқатларда көрситилишичә, бу түрдики йемәкликләрни зийадә көп истемал қилиш семизлик, рак кесили, йүрәк қан томур кесәлликлири қатарлиқлар, һәтта балдур өлүп кетиш хәвпиниң ешиши билән зич мунасивәтлик икән.
