amérikining bir türlük eng yéngi tetqiqatida körsitilishiche, ziyade pishshiqlap ishlen’gen yémekliklerni ziyade köp istémal qilghanda bedendiki yallughni körünerlik ashuruwétidiken, uning üstige yashan’ghanlar, tamaka chekküchiler we sémiz kishiler topida téximu körünerlik bolidiken. pen tetqiqat xadimliri agahlandurup mundaq deydu: ziyade pishshiqlap ishlen’gen yémeklikler rak késili we bashqa sozulma késelliklerning xewp-xetirini ashuruwétishi mumkin, shunga téximu qattiq saghlamliq siyasitini yolgha qoyushni muraji’et qilimiz.

ziyade pishshiqlap ishlen’gen yémeklikler sana’etleshtürüp bir terep qilin’ghan yémekliklerni, mesilen, gazliq su, ushshaq-chüshshek yémeklik we pishshiqlap ishlen’gen gösh türlirini körsitidu. bu xil yémekliklerning terkibide xuruch mol bolup, ozuqluq qimmiti zor derijide töwenlep kétidiken hemde asanla ziyade köp qobul qilishni keltürüp chiqiridiken. buningdin ilgiriki tetqiqatlarda körsitilishiche, bu türdiki yémekliklerni ziyade köp istémal qilish sémizlik, rak késili, yürek qan tomur késellikliri qatarliqlar, hetta baldur ölüp kétish xewpining éshishi bilen zich munasiwetlik iken.