sha’ir abdushükür qumtur teqdirname tapshurup almaqta.
uyghur pochtisi 22- dékabir
amine sedef
11-nöwetlik yehya kemal beyatli xelq’ara shé’ir féstiwali 19- dékabir makadoniyening paytexti üsküp shehride ötküzüldi. makidoniya türk ammiwi teshkilatlar birliki, köprü derniki we türkiye hemkarliq we maslashturush agéntliqining hemkarliqida ötküzülgen bu féstiwalgha türkiye büyük millet mejlisining 29- nöwetlik re’isi mustafa shentop, türkiye jumhuriyti üsküp elchixanisining meslehetchilliri, shimali makadoniye asasiy qanun sotining ezasi fatmir iskender, bash re’is tahsin ibrahim qatarliq muhim shexslerdin bashqa türkiye, ezerbeyjan, shimali makadoniya, kosowu qatarliq 12 dölettin 30 din artuq sha’ir, birqisim déplomatiye xadimliri, parlaménit ezaliri, akadémikler qatnashqan bulup, dunya uyghur yazghuchilar uyushmisidin abdüshkür qumtur we imran sada’iymu teklip bilen qatnashti hemde uyghur edebiyatining bügünki paji’elik ehwalidin yighin ehlige doklat berdi.
sha’ir imran sada’iy sehnie shé’ir oqumaqta.
«uyghur pochtisi» muxbirining téléfun ziyaritini qobul qilghan dunya uyghur yazghuchilar uyushmisining sabiq re’isi, sha’ir abdüshkür qumtur mundaq didi: «biz bu qétim makadokiyeda üch künlük yighin’gha qatnashtuq. yehya kemal bayatligha atap ötküzülgen shé’iriyet féstiwalida biz uyghur edebiyati we shé’iryiti heqqide doklat berduq hemde shé’ir uquduq. biz yene makadokiyeda 20-, 21- dékabir ötküzülgen «21- dékabir türk ma’aripi milliy bayrimi»ghimu teklip bilen qatnashtuq. on ming kishilik bu yighin’gha makadokiye pirézidénti, dölet erbapliri we türkiyedinmu muhim kishiler qatnashti. yighin riyasetchisi uyghurlarni alahide tilgha élip ötti. biz mushundaq chong tiptiki xeliq’araliq bir pa’aliyette uyghur edebiyatini anglitalighinimizdin tulimu hayajanlanduq. biz bu üch kün jeryanida herqaysi dölettin kelgen edebiyatchilar we axbaratchilar bilen uyghur mesilisini paranglashtuq. biz bu arqiliq xeter ichide turiwatqan edebiyatimizni xelq’ara jem’iyetke tunushturush we herqaysi dölettiki edebiyatchilar bilen hemkarliq ornitish jehette tirishchanliq körsettuq.»
