«uyghur pochtisi» (Uyghur Post) tori muhajirettiki uyghur siyasiy herikitining musapisini sistémiliq xatirilesh, arxiplashturush we awamgha tonushturush meqsitide, teshkilatlarning yilliq xizmet xulasilirini élan qilishni bashlidi. biz herqaysi teshkilatlarning ötken bir yilda élip barghan muhim pa’aliyetlirini «uyghur pochtisi» arqiliq jem’iyet bilen ortaqlishishni ümid qilimiz.
bu teshebbus teshkilatlar ara öz’ara chüshinishni kücheytish, qolgha keltürülgen netijiler arqiliq xelqimizge ümid we righbet béghishlash we uyghur dewasining netijilirini untulmas tarixiy höjjetke aylandurush qatarliqlarni meqset qilghan.
undaqta uyghur akadémiyesining 2025- yili néme xizmetlerni qilghanliqigha nezer salayli.
«türkiye uyghur teshkilatliri munbiri» enqerede ghulja qirghinchiliqining 28-yilida shéhitlerni xatirilesh yighini ötküzdi
2025- yili 5-féwral
türkiyede hemkarliq ichide pa’aliyet élip bériwatqan dunya uyghur qurultiyi wexpi, uyghur akadémiyesi wexpi, sherqiy türkistanliqlar fédiratsiyesi, yüsüp xas hajip wexpi, uyghur ilim we meripet wexpi, ili meshrep uyghur wexpi we en’eniwiy uyghur tibabiti tetqiqat wexpidin ibaret yette uyghur teshkilati birlikte, 2025- yili 5-féwral charshenbe küni chüshtin kéyin sa’et 2:00 de enqere qizil’aydiki sherqiy türkistan tetqiqat wexpining sahipxanliqida teshkilatlar ara kelgüsi hemkarliq mixanizimi heqqide muzakire qilishti.
menbesi:
ana tilda léksiye sözlesh musabiqiside 5 neper oqughuchi mukapatqa érishti
22-féwral
«xelq’ara ana til küni» munasiwiti bilen uyghur yashlirining ana tilda rawan sözlesh we tepekkur qilish iqtidarini yükseldürüsh meqsitide 22-féwral küni istanbuldiki zayim uniwérsitétining zalida «ana tilda mukapatliq léksiye sözlesh musabiqisi» ötküzüldi.
menbesi:
uyghur yashlirini «xelq’ara weziyet we milliy küresh yolliri» boyiche uzun muddetlik terbiyelesh kurslirining 6-qarari tamamlandi
2025-yili 7-ayning 5-6-künliri
uyghur akadémiyesi teripidin sherqiy türkistan kürishide yétekchi shexslerni yétishtürüsh meqsitide uyushturulghan «xelq’ara weziyet we milliy küresh yolliri» namliq uzun muddetlik terbiyelesh programmisining altinchisi 2025-yili 7-ayning 5-6-künliri istanbul sefaköydiki uyghur akadémiyesi ishxanisida ötküzüldi. programmigha istanbulda yashaydighan 17 neper uyghur yash qatnashti.
menbesi:
enqerede «qirghinchiliq dawam qiliwatqan mezgilde uyghur kimlikini qoghdash» témisida yighin ötküzüldi
2025-yili 9-ayning 18-küni
uyghur akadémiyisi teripidin uyushturulghan «uyghur qirghinchiliqi dawam qiliwatqan mezgilde uyghur kimlikini qoghdash» namliq yighin 2025-yili 9-ayning 18-küni enqerede ötküzüldi. dunyaning herqaysi döletliridin uyghur teshkilatlirining wekilliri, akadémiklar, pa’aliyetchiler we yashlar qatnashqan bu yighin, uyghur di’asporasining eng keng kölemlik yighilishlirining biri boldi.
menbesi:
enqerede «uyghur tili, kimliki we medeniyitini qoghdash boyiche uyghur yash yétekchilerni terbiyelesh kursi» échildi
2025, 18- séntebirdin 20-séntebirghiche
18- séntebirdin 20-séntebirgiche enqerede uyghur akadémiyesi teripidin uyghur yashlirigha qarita «uyghur tili, kimliki we medeniyitini qoghdash boyiche uyghur yash yétekchilerni terbiyelesh kursi» échildi. dunyaning her qaysi jayliridin türkiye paytexti enqerege yighilghan bu yashlar, 18- séntebir küni uyghur akadémiyesi teripidin uyushturulghan «uyghur qirghinchiliqi dawamlishiwatqan mezgilde uyghur kimlikini qoghdash» heqqidiki ilmiy muhakime yighinigha qatniship, dunyaning her qaysi elliridin kelgen uyghur we chet’ellik mutexessisler bilen tonushush we söhbetlishish pursitige ige boldi.
amérika parlamént binasida «uyghur irqiy qirghinchiliqigha qarshiliq» bildürüsh namida ilmiy muhakime yighini échildi
amérika parlamént binasida ötküzülgen «uyghur irqiy qirghinchiliqigha qarshiliq» bildürüsh namidiki ilmiy muhakime yighini 1-bölümi: uyghur irqiy qirghinchiliqigha we mejburiy qul emgikige qarshi köresh
13 uyghur teshkilatlirining mes’ulliri amérika tashqiy ishlar ménistirliki we amérika dölet mejlisi xitay ishlar komititida uyghur mesilisi boyiche muzakire yighinigha qatnashti
10-dékabir peyshenbe küni, uyghur akadémiyesi bilen uyghur herikiti teshkilatining teshkillishide, dunya uyghur qurultiyi, awstraliye uyghur jem’iyiti, uyghur tetqiqat merkizi (amérika), kanada sherqiy türkistan jem’iyiti, sherqiy türkistan tetqiqat fondi (türkiye), shiwéytsariye uyghur jem’iyiti, amérika uyghur jem’iyiti (UAA), uyghur démokratiye we kishilik hoquq merkizi (gérmaniye), yawropa uyghur medeniyet merkizi (norwégiye), uyghur kishilik hoquq qurulushi (UHRP) we uyghur hoquqlirini qoghdash qurulushi (kanada) qatarliq 13 uyghur teshkilatliri rehberliri birlikte amérikining paytexti washinggitonda amérika tashqiy ishlar ménistirliki we amérika dölet mejlisi xitay ishlar komititida uyghur mesilisi boyiche muzakire yighinigha qatnashti.
uyghur pochtisi bashqurush hey’iti (mudiriyti) uyushturghan.
neshrge teyyarlighuchi: tayir imin
muheriri: gülqiz
