уйғур почтиси, 10-өктәбир

америка билән хитай рәһбәрлириниң корейәниң җәнубида өткүзүлмәкчи болған учришиши алдида, хитай тәрәп америка үчүн сүнъий идрак (AI) тәрәққийати вә дөләт мудапиъәси қатарлиқ муһим саһәләргә зөрүр болған бир түркүм һалқилиқ кан мәһсулатлириниң (наһайити аз тепилидиған минерал маддилар) експортиға чәклимә қойуш тоғрисида елан чиқарди. бу һәрикәт, адәттә хитайниң сода сөһбәтлиридә үстүнлүккә еришиш ойуни дәп қаралди.

буниңға җавабән, президент трамп җүмә күни өзиниң »Truth Social« суписида техиму қаттиқ тәдбирләрни қоллинидиғанлиқини җакарлап мундақ деди:

»биз һазир пиланлаватқан сийасәтләрниң бири, хитай мәһсулатлириниң америка қошма штатлириға киришигә қарита елинидиған таможна беҗини зор дәриҗидә ашуруштин ибарәт. йәнә нурғунлиған қарши тәдбирләрниму охшашла җиддий ойлишимиз.«

трамп йәнә хитайға қарита експорт чәклимиси селиш арқилиқ өч елиш пиланиниму ишарәт қилди.

хитайниң бу тәһдити билән трампниң күчлүк инкаси, алдинқи бир қанчә айдин буйан көрүлгән икки дәриҗидин ташқири дөләт оттурисидики нисбәтән муқим мунасивәтниң аҗизлишишини көрситиши мумкин.

әгәр хитай бу чәклимиләрни әмәлийләштүрсә, америка бу муһим кан мәһсулатлириниң орнини дәрһал толдуруш иқтидариға игә болмиғачқа, америка иқтисадиға кәң көләмдә зийан селиниду.

бу һәрикәтләр, икки дөләт рәһбәрлириниң бир-биригә нисбәтән ирадә күчини синаш басқучи дәп қаралмақта.

мәнбәси аксйос, қисқартип тәрҗимә қилинди.

тәййарлиғучи: алп уйғур, түзәткүчи: турсунҗан