uyghur pochtisi, 10-öktebir

amérika bilen xitay rehberlirining koréyening jenubida ötküzülmekchi bolghan uchrishishi aldida, xitay terep amérika üchün sün’iy idrak (AI) tereqqiyati we dölet mudapi’esi qatarliq muhim sahelerge zörür bolghan bir türküm halqiliq kan mehsulatlirining (nahayiti az tépilidighan minéral maddilar) éksportigha cheklime qoyush toghrisida élan chiqardi. bu heriket, adette xitayning soda söhbetliride üstünlükke érishish oyuni dep qaraldi.

buninggha jawaben, prézidént tramp jüme küni özining »Truth Social« supisida téximu qattiq tedbirlerni qollinidighanliqini jakarlap mundaq dédi:

»biz hazir pilanlawatqan siyasetlerning biri, xitay mehsulatlirining amérika qoshma shtatlirigha kirishige qarita élinidighan tamozhna béjini zor derijide ashurushtin ibaret. yene nurghunlighan qarshi tedbirlernimu oxshashla jiddiy oylishimiz.«

tramp yene xitaygha qarita éksport cheklimisi sélish arqiliq öch élish pilaninimu isharet qildi.

xitayning bu tehditi bilen trampning küchlük inkasi, aldinqi bir qanche aydin buyan körülgen ikki derijidin tashqiri dölet otturisidiki nisbeten muqim munasiwetning ajizlishishini körsitishi mumkin.

eger xitay bu cheklimilerni emeliyleshtürse, amérika bu muhim kan mehsulatlirining ornini derhal toldurush iqtidarigha ige bolmighachqa, amérika iqtisadigha keng kölemde ziyan sélinidu.

bu heriketler, ikki dölet rehberlirining bir-birige nisbeten irade küchini sinash basquchi dep qaralmaqta.

menbesi aksyos, qisqartip terjime qilindi.

teyyarlighuchi: alp uyghur, tüzetküchi: tursunjan