20-noyabir uyghur pochtisining qurulush muhakime yéghinigha massachuséts shitatidin bolghan dölet mejlisi ezasi jamis makkawirin tebrikname ewetken bolup, u sözide, uyghur tilidiki axbarat wastilirining muhimliqini we özining bu heqtiki tirishchanliqini tekitligen, uyghur pochtisining yéngi we musteqil axbarat wastisi bolup chéqidighanliqigha bolghan ishenchisini otturigha qoyghan. u uyghur pochtisining qurulghanliqini tebriklep mundaq dégen:

«uyghur pochtisi» uyghur xelqining awazini anglitish we uyghur axbaratchiliq sahesige meblegh sélish jehettiki boshluqni toldurush üchün tess qilin’ghan uyghur tilidiki yéngi hem musteqil axbarat orgini bolalaydu.

«uyghur pochtisi»ning tehrir hey’iti tizimlikidiki mötiwer  isimlardin bu tirishchanliqqa toluq ishinimen; ularning beziliri dölet mejlisi  komitétida guwahliq bergen, shundaqla ularning xizmiti bizning dölet mejlisi ilgiri sürgen qanun chiqirish we siyaset belgilesh xizmitimizge belgilik töhpilerni qoshqan. men «uyghur pochtisi»ning öz xizmitini bashlishi we xizmet guruppisni qurushi bilen uning muweppeqiyiti heqqide téximu köp nersilerni bilishke intizarmen.

uyghur xelqi özlirining izzet-hörmiti we kimlikini tartiwélishqa urun’ghan wehshiy hökümet keltürüp chiqarghan nurghun qiyinchiliq we azab-oqubetlerge qarimay, heyran qalarliq qeyserlikini namayen qildi.

 «uyghur pochtisi» bu rohning eng yaxshi namayendisidur. men uning muweppeqiyet qazinidighanliqidin héch shübhilenmeymen.