hebibulla izchi, 1974-yili sherqiy türkistanning kuchar nahiyiside tughulghan. axbaratchi we kishilik hoquq pa’aliyetchisi. u 1992-yili ottura mektep dewride tunji qétim uyghur xelqining awazi bolghan «tang nuri» gézitini chiqirishqa qatnashqan. 1995-yilliri shinjang uniwérsititide «tengritagh»,«sada» we «azatliq mesh’ili» gézitini chiqirishqa qatnashqan . hebibulla izchi uyghur tarixidiki péshqedem axbaratchi nizamidin hüseyin ependining bir qolluq terbiyelishi we yéteklishi bilen uyghur yéqinqi zaman tarixidiki weqelerni tekshürüp chiqip xatirileshke qatnashqan.
2006-yilidin 2009-yilighiche, xitayning jéjiyang uniwérsititi chay tetqiqat inistitutida chaychiliq kespide oqughan. 2012- yilidin bashlap xitayning ichkiri ölkilirige aldap élip qéchilghan ösmürlerni qutquzushqa qatniship we iqtisadiy jehettin qollap, 2015-yilining axirida «qérindashlar saxawet fondi»ni qurushqa qatnashqan hey’et ezalardin biri.
2016 -yili muhajiretke chiqqandin kéyin, uyghur agéntliqida, 2022-yilidin bashlap erkin asiya radyosida yawropa muxbiri bolup ishligen. uning shiwitsariyede chiqidighan «tibetke nezer» namliq gérman tilidiki zhornalda uyghurlar we xitayning uyghurlargha qarita yürgüzgen qirghinchiliq siyasyiti heqqide onneche maqalisi élan qilin’ghan. 2024- 5-iyul ürümchi qirghinchiliqini höjjetleshtürgen «kök tashliq arxip-5iyul qirghinchiliqi» dégen kitawi neshir qilin’ghan we hazir én’gliz, gérman, türk tillirigha terjime qilinmaqta. nöwette uning «kök tashliq arxip-2» kitawi neshrge teyyarlanmaqta .
