uyghurpochtisidin hebibulla’izchi teyyarlidi
08.03.2026
muhapizetchi gézitining xewer qilishiche, italiye da’iriliri chégra halqighan basturushqa qatnashqan sekkiz xitay puqrasini «dölet bixeterlikige tehdit shekillendürgen» dégen sewep bilen shen’gen rayonidin qoghlap chiqarghan.
bu sekkiz xitay puqrasidin üch kishi derhal qoghlap chiqirilghan, töt kishi öz ixtiyarliqi bilen chégradin chiqip ketken, bularning ichidin bir xitay siyasiy panahliq tiligende qolgha élin’ghan.
italiye terepning bu qarari, xitayning li famililik dangliq xitay öktichige qaritilghan nazaret qilish, bozek qilish we tehdit qilish qatarliq qilmishlarni tekshürüshtin kéyin chiqirilghan. italiyening bu qoghlap chiqirish qarari, xitayning italiye zéminida élip barghan dölet halqighan basturushigha qarshi tunji qétimliq qattiq heriket qollan’ghanliqi bolup hésaplinidiken.
qoghdighuchi géziti ilgirimu xitayning li famililikke qaritilghan dölet halqighan basturushning bir qisim xatirilirini élan qilghan. bu basturushlar li famililikni xitay terepning ötken üch yildin buyan, italiye ichide nazaret qilish, qorqutush, bésim ishlitish, uni pa’aliyetliridin waz kéchip xitaygha qaytishqa mejburlash, torda qara chaplash, shexsiy uchurlirini ashkarilashtin- yurtidiki ata-anisigha tehdit sélish, xitaydiki uning egeshküchilirini tutqun qilip soraq qilish qatarliq jeryanlarni öz ichige alidiken.
