hebibulla izchi
her yili 12-noyabir we buning aldi-keynidiki künlerde muhajirettiki uyghurlar hemde sherqiy türkistan teshkilatliri yéqinqi zaman tariximizda 1933- we 1944-yilliri 12-noyabir qurulghan ikki qétimliq sherqiy türkistan jumhuriyetlirini her xil shekilde xatirilep kelmekte.
muhajiret xelqimizning tarixmizdiki ikki jumhuriyetni xatirilishi tariximizgha bolghan hörmet we sherqiy türkistanning musteqilliqigha bolghan ümidining, xitayning ishghaliyiti we mustemlikichilikige menggü tiz pükmeydighanliqining ipadisi bolup, mushu ayning toqquzinchi küni qazaqistandimu ikki qétimliq sherqiy türkistan jumhuriyitining qorulush küni xatirilinip, qehriman ejdatlarning rohigha du’a – tilawet qilin’ghan. bu pa’aliyette aldi bilen weten üchün jan bérip shehid bolghan barliq qérindashlirimizning rohlirigha atap qur’an kerim oqulghandin kéyin, dunya uyghur qurultiyining qazaqstandiki wekillirining yigit béshi reximjan mansurow söz qilip, barliq wekil we méhmanlarni sherqiy turkistan jumhuriyitining qurulghan küni bilen tebriklep, wetinimizning azat bolush künlirining az qalghanliqini we bu künlerning uyghur xelqigimu nésip bolidighanliqini éyitp ötken.
péshqedem inqilapchi, siyasetshunas we dunya uyghur qurultiyining aliy meslihetchisi qehriman ghojamberdi tarixmizda qurulghan sherqiy turkistan islam jumhuriyiti bilen sherqiy turkistan jumhuriyitining tarixi hemde uyghur dawasining bügünki xelqara siyaset meydanidiki orni toghriside tepsiliy toxtilip, buningdin kéyin uyghur dawasida yene qandaq ishlarni qilish kérekliki heqqide söz qilghan.
