уйғур почтиси, 1- декабир
бу нутуқ канада парламеинт әзаси сәмер зубәйрниң 20- нойабир парламентта канадаға кәлгән уйғурларни күтүвелиш мурасмидин бурун қилған сөзи болуп, сәмер зубәйр 10миң уйғур мусапирни канадаға йәрләштүрүш қанун лайиһәсни оттуриға қойған. у сөзидә, хитай һөкүмитиниң уйғурларға қаратқан бастуруш сйастиниң давам қиливатқанлиқини тилға алған вә уйғурларни қәйсәр болушқа, давамлиқ һәқиқәтни сөзләшкә чақирған.
«2023- йили февралда канада парламенти хәтәр ичидики 10 миң уйғурни қарши елиш вә қайта йәрләштүрүш үчүн бирдәк беләт ташлиған иди. шу биләт бу парламент вә уйғур хәлқи үчүн тарихий бир пәйт болғаниди. бирләшкән дөләтләр тәшкилатиниң байаниға асасланғанда, уйғур хәлқи йәнила еғир вә җиддий болған инсанийәткә қарши җинайәтләргә дуч келиватиду. биз буни дйеишмиз, етирап қилишимиз вә тонуп йетишимиз керәк. һәр һалда җидди хәтәр ичидики бир қсм уйғурлар канадаға йетип кәлди. мән учратқан мусапирлар канада вә канадалиқларға чин дилидин миннәтдар. улар маңа өзлириниң тунҗи қетим бихәтәрлик вә аманлиқниң қандақ болидиғанлиқини һс қилғанлиқлирини ейтишти. бу уйғур мусапирларниң бәзилири бүгүн парламент бинасида бар. биз бир қарши елиш паъалийити өткүзимиз, мән барлиқ парламент әзалирини бу паъалийәткә қатнишишқа чақиримән.
мениң сөзлиримни аңлаватқан уйғур хәлқигә шуни дәймәнки: силәрниң мустәһкәм турушиңларни вә қәйсәр болушуңларни үмид қилимән. давамлиқ сөзләп туруңлар вә хәлқиңларниң бешиға келиватқан ишларни дунйа билән ортақлишиңлар!
бу һәққаний ишни қоллиған парламент әзалири, силәргә рәһмәт!»
өзгүр уйғур тәрҗимиси
