uyghur pochtisi, 26-noyabir

kökbike

sherqiy türkistan putbul birleshmisining re’isi ilshat islam ependi 2025-yili 12-noyabir torda neq meydan tarqitish élip bérip, di’asporadiki uyghurlarni yardem we qollashqa chaqiriq qildi. shundaqla sherqi türkistan ulusal putbul komandisining ghayisi, qiliwatqan xizmetliri we buningdin kéyin qilmaqchi bolghan xizmetliri üstide melumat berdi.

sherqiy türkistan ulusal putbol komandisi putbol komandisi 2019-yili  qurulghan, 2025-yili 17-öktebir küni gollandiyede resmiy en’ge élin’ghan.

komanda re’isi élshat islam ependi bu bashlinishning ehmiytini bayan qilip mundaq dédi: «qérindashlirimiz öz dölitimizning namida bir putbol komandisining bolushini ümid qilip kéliwatqan idi, bu ümid royapqa chiqip xizmitimizni bashliduq,  biz bir bayraq astida jenggiwar yashlar bilen birliktedunyagha <sherqiy türkistan yoqalmidi, mewjut> dégen signalni bérip turushni xalaymiz.» u yenekomandining bu xizmetlirini izchil we süpetlik dawamlashturush üchün adem küchi we iqtisadiy jehettin jiddi yardemge muhtaj ikenlikini bayan qilip mundaq dédi: «teshwiqat xizmetliri, musabiqe we’arqa sep xizmetliride adem küchi we iqtisadiy küchke, xelq ichidin bizni qollaydighan, biz bilen billexizmet qilishni xalaydighan kishlerge jiddi éhtiyajimiz bar.»

sherqiy türkistan ulusal putbol komandisi tunji qétimliq xelq’araliq putbol musabiqisini Tamil Eelam sahipxanliqida londonda oynighan idi.

2025-yili 1-iyuldin 4-iyul künigiche dawamlashqan musabiqida, sherqiy türkistan ulusal putbul komandisi ikkinjilikke ériship, 2027 Conifa dunya longqisigha qatnishish salahiyitige érishken idi. musabiqe uyghur di’asporasida küchlük hayajan qozghidi. küzetküchiler uyghur di’asporasidiki tenterbiye we kültürpa’aliyetlirining uyghur xelqining teshkillinishi we jama’etlishishige muhim ijabiy tesirkörsitidighanliqini tekitlep kelmekte.

bu qétim londonda ötküzülgen xelq’araliq musabiqidin kéyin oxshimighan organlar sherqiy türkistan ulusal putbol komandisining bashqa musabiqilerge qatnishishi üchün tekliplerni sun’ghan. sherqiy türkistan ulusal putbul komandisi tibetler niyuyorkta  orunlashturushni pilanlighan «erkinlik longqisi»ning musabiqe teklipini qobul qilghan. közetküchiler niyuyorkta ötküzülmekchi bolghan musabiqini irqi qirghinchiliq yüz bériwatqan sherqiy türkistan’gha dunya jama’etchilikining diqqitini tartidighan muhim purset dep qarimaqta. 

ilshat ependim sherqiy türkistan ulusal putbol komandisi yoluqiwatqan mesililer heqqide toxtilip, iqtisadiy endishining eng chong qiyinchiliq ikenlikini éyitti. 

igilishimizche, 2011-yildin bashlap « sherqiy türkistan erkinlik longqisi» namida musabiqe oynap kéliwatqan sherqiy türkistan ulusal putbol komandisi 6-nöwetlik musabiqini 2026-yili iyulda firansiyesahipxanliqida oynimaqchi iken. komanda re’isi ilshat islam ependi dunyaning her qaysi jayliridiki uyghur putbol komandilirini bu musabiqige qatnishishqa chaqirdi.

sherqiy türkistan ulusal putbol komandisi konifa ( CONIFA döletsiz milletlerge, az sanliq milletlerge wetenterbiye jehettin chetke qéqilghan rayonlargha wekillik qilidighan putbol komandilirini qollashni nishan qilghan, payda almaydighan xelqaraliq teshkilat)gha eza bir komanda bolup, 2026-2027- yilli konifa longqisini talishish musabiqisige sherqi türkistan ulusal putbol komandisimu qatnishidiken.

ilshat islam ependi bu chaqiriqni sherqi türkstan jumhuriyet küni munaswiti bilen ilan qilghan bolup, sherqiy türkistan xelq’ara putbol komandisi dawamliq qollashqa muhtaj iken.

kökbike uyghur pochtisining türkiyede turushluq muxbiri. u ez’her uniwérsitétining ereb tili fakultétini püttürgen. u éjtima’i, kültürel témilarda yazidu.