«yawronéwis» xewiri;

terjime qilghuchi: tahir imin uyghuri’an, 22-öktebir

türk döletliri ittipaqi tereqqiyat, énérgiye bayliqliri we yawropa bilen xtayni öz ichige alghan asiyani, tutashturidigha soda yoli arqiliq iqtisadiy qudret merkizige aylanmaqta.  bu  ittipaq ösüsh yoshurun küchi, énérgiye bayliqliri we yash nopusqa ige bolup, téximu köp hemkarliq üchün biryussélgha nezer salmaqta. 

türk döletliri teshkilatining bash katipi qubanichbék omuraliyéw biryussélgha qilghan ziyariti jeryanida «yawronéwis» (Euronews) xewerler torigha: türk döletliri teshkilati soda, yéza-igilik, bixeterlik, téxnika we bashqa sahelerde hemkarlishish arqiliq özining ortaq küchini zor derijide ashurdi, dédi.

omuraliyéw: «eger siz bizning omumiy ichki ishlepchiqirish omumiy qimmitimiz ($2.1 tirilyon dollar), we döletlirimiz otturisidiki omumiy soda ($1.1 tirilyon dollar) gha qarisingiz,» dédi. bu ortaq iqtisadiy ösüsh «jushqun» halda éshiwatidu, dep qoshumche qildi elchi.

omuraliyéw: köp qisim türk döletlirining yawropa ittipaqi bilen istratégiyilik shériklik munasiwiti barliqini, hemde munasiwetlerni ikki tereplik ramkidin halqip kücheytishning waqti kelgenlikini éytti.

u chüshendürüp: «ottura asiyadiki qurghuchi ezalirimiz qazaqistan, qirghizistan we özbékistan yawropa ittipaqi bilen asiya arisida, jümlidin xitayni öz ichige alghan heqiqiy bir ulinishni teminleydu.ittipaqimizdiki her bir eza döletning yawropa ittipaqi bilen istratégiyilik ikki tereplik munasiwiti bar», dédi.

omuraliyéwning sözige qarighanda, özbékistan pirézidénti shawket mirziyoyéwning jüme küni biryussélgha qilidighan ziyariti ikki tereplik munasiwetlerning qandaq küchiyiwatqanliqini körsitip béridu. bash katip yene, köp tereplik ramka ichide, ikki ittipaq otturisidiki hemkarliqni kéngeytish kéreklikini qoshup qoydi.

yawropagha yüzlen’gen yéngi soda yoli barliqqa kelmekte

omuraliyéw «yawronéwis»qa: türk döletliri barliqqa keltürgen «ottura karidor» dep atalghan bu yolning hazir ularning eng aldinqi orundiki nishani ikenlikini, chünki u hazirqi toqunush rayonlirini aylinip ötidighan bir almishish ulinish tori ikenlikini éytti.

qedimki yipek yolini boylap mangghan bu «ottura karidor» yawropa bilen asiyani, jümlidin xitayni istratégiyilik usulda tutashturidu we uning eslihe qurulushini tereqqiy qildursh türk döletliri üchün bir muhim nuqta.

omuraliyéw: «bu ‘ottura karidor’ dep atilidu, emma tarixqa nezer salsaq u büyük yipek yolidur. bu yol bizning eza döletlirimiz we közetküchiler arqiliq ötidu», dédi.

rusiye bilen ukra’ina otturisidiki urush we ottura sherq toqunushidin burun pilanlan’ghan ottura karidor hazir ré’alliqqa aylanmaqta. u yene yawropa ittipaqi bilen xitay arisidiki tutashturush yolini 2,000 kilométir qisqartidu hemde köp erzan’gha toxtaydu.»

bash katip: türk döletlirining dunyadiki üchinchi chong énérgiye zapisigha ige ikenlikini, hemde yéngilinishchan énérgiye jehettimu zor yoshurun küchke ige bolup, yawropa üchün yoshurun küchke tolghan soda pursetlirini échip béridighanliqini éytti.

türk döletliri teshkilatigha ezerbeyjan, qazaqistan, qirghizistan, türkiye we özbékistan qatarliqlar kiridu; türkmenistan, hon’giriye we shimaliy sprus közetküchi eza salahiyitide turmaqta.