uyghur pochtisi, 22- yanwar

amine sedef

22- qétimliq altun muwapiqiyet mukapati Altın Başarı Ödülleri tarqitish murasimi 20- yanwar istanbul zeytun burnu kazili cheshme kültür– sen’et sariyida ötküzüldi.

diktor- riyasetchiler jem’iyti we «hayat» zhurnili teripidin 20 yildin béri qerellik tarqitiliwatqan bu mukapat her yili türkiyede eng aldinqi qatargha ötken edebiyat – sen’etchi, tenterbiychi, axbaratchi we  diktor– riyasetchilirige bérildighan bolup, bu yil uyghur ösmür samir abdulla aqbulut «kelgüsining cholpini– bala artist» mukapatigha ériship, qanal d déktori tümer dogru Tümer Doğru, a xewer déktori merwe özkan Merve Özkan, aq partiye istanbul millet wekili serkan bayram Serkan Bayram, zeytun burnu rayonluq hökümet bashliqi ömer arisoy Ömer Arısoy qatarliq dangliq kishiler bilen bir qatarda mukapat tapshurwaldi.

samir sehnide: «men bu mukapatni sherqiy türkistandiki we ghezzediki balilar üchün tapshurwaldim» dédi.

bu yil 12 yashqa kirgen samir yette yéshidin bashlap sen’etke qiziqqan bolup, mekteptiki her türlük sen’et pa’aliyetlerde aktip rol oynighandin sirit «méni yoshurup qoy» Sakla beni, «yawayi» Yabani, «miyit yuyghuchi 1,2,3» Gassal 1,2,3, «ibin sina» Ibn-Sina, «ismim ferrah» Adım Ferrah, «qizil ghunchilar» Kızıl goncala, «arqa kochilar», Arka sokaklar, «büyük selchuqlar- alsanjaq», «aldimaq» Aldatmak qatarliq téléwiziye tiyatirlirida, «küldür-küldür balilar show» Güldür Güldür çocuk şov programmisisda we «hayat bilen yarishish» Hayatla Barış namliq kinoda oynighan rolliri bilen tunulghan.

samir sen’ettin bashqa yene tenterbiye pa’aliyetliridimu aktip bulup, beshiktash putpol mektipining 2024- 2025- yilidiki chimpiyon mukapatini alghan.