uyghur pochtisi, 4-noyabir
amérika döletlik dimokratiye fondi jem’iyiti her yili uyushturidighan yilliq «dimokratiye mukapiti» dunyaning her qaysi jaylirida dimokratiye, insan heqliri üchün körünerlik töhpe qoshqan teshkilat we shexslerni teqdirleydu.
bu yil mukapat uyghur herikiti teshkilati we uning qurghuchisi rushen abbasning uyghurlar üchün qilghan xizmiti üchün teqdirlen’gen.
döletlik dimokratiye fondi jem’iyiti organ hésabida élan qilghan bayanatta mundaq déyilgen:
«2025-yilliq «démokratiye mukapati » xitay kommunistik partiyisining hökümranliqi astida yashawatqan uyghurlar we bashqa musulman jama’etliri üchün qilghan tinmay qanaq yaydurulghan hoquq qoghdash xizmiti üchün «uyghur herikiti» teshkilatigha bérildi. kéngesh palata ezasi (sénator) mél martinéz teripidin teqdim qilin’ghan bu mukapat «uyghur herikiti» teshkilatining qurghuchisi we ijra’iye déréktori rushen abbasning jasaretlik rehberlikini mu’eyyenleshtüridu. uning rehberliki xitay kommunistik partiyisining zor kölemde tutqun qilishi we basturushi sewebidin weyran qilin’ghan uyghur a’ililiri üchün awaz boldi.uyghur hoquqliri üchün dunyawi küch bolghan rushen abbas we «uyghur herikiti» teshkilati bizge shuni eskertiduki: zulumning éghir bésimi astidimu jasaret we wijdan mewjut bolup turidu.»
rushen abbas mundaq dégen:
«uyghurlarning béshigha kéliwatqan ishlar- aktip irqiy qirghinchiliqtur, u zor sanda tutqun qilish, mejburiy emgek, zorlap tughmas qiliwétish we bala chüshürgüzüsh, mejburiy toy qildurush, we bir étiqadni pütünley jinayet süpitide mu’amile qilish bilen xaraktérlinidu. … bu emdi peqet bir uyghur mesilisila emes; bu xitayning erkinlik we démokratiyege qarshi urushi, ayallar we balilargha qarshi urushi, shundaqla insaniyetning özige qarshi urushidur.»
mukapat tarqitish murasimi dabdughiliq ötküzülgen bolup, alaqidar rehberler, taratquchilar, rushen abbasning tuqqanliri we dostliri qatnashqan.
uyghur pa’aliyetchiler intérnétta rushen abbas we uning teshkilatining yutuqlirini ortaq tebriklemekte.
teyyarlighuchi: tahir imin
