uyghur pochtisi, 6-mart
amérikining panamada turushluq elchixanisi tarqatqan uchurlargha asaslan’ghanda, bu hepte uyghur herikiti teshkilatining mudiri roshen abbas we uyghur tetqiqat merkizining mudiri abdulhekim idris panamada muhim pa’aliyetlerni élip bérip, dawamlishiwatqan uyghur irqiy qirghinchiliqigha qarita tonushni yuqiri kötürüsh we xelq’araliq qollashqa érishish üchün seperwerlik qilghan.
amérika elchixanisi özining ijtima’iy taratqu hésabida mundaq yazghan:
«bu hepte panamada, xitay kommunistik partiyesining sherqiy türkistanda (shinjangda) sadir qiliwatqan wehshiyane jinayetliri we irqiy qirghinchiliqini pash qiliwatqan jasaretlik awaz — uyghur pa’aliyetchisi rushen abbasni qarshi alduq. u ziyaret jeryanida panama-amérika merkizi (Panama American Center), istimos uniwérsitéti (Udelistmo), filorida shtatliq uniwérsitéti panama shöbisi (FSU Panama) we kolon medeniyet merkizide ötküzülgen filim qoyush we söhbet pa’aliyetliri arqiliq oqughuchilar, rehberler we zhurnalistlar bilen pikir almashturdi. shundaqla, panamadiki musulman jem’iyitining ezaliri bilen körüshti.
biz roshen abbas we uyghur xelqi bilen bir septe turimiz. rushen, sizning tewrenmes rohingizgha rehmet! adalet üchün küresh dawamlishidu, biz siz bilen birgemiz!»
wekiller ömiki xitayning uyghurlargha qarita sadir qiliwatqan irqiy qirghinchiliq jinayetlirige qarshi xelq’araliq maslishishchan inkas qayturushning jiddiy zörüriyitini tekitligen.
süret menbesi: amérika panama elchixanisi we uyghur herikiti teshkilati hésabati
