уйғур почтиси, өзгүр уйғур
29-нойабир
уйғур академийиси, уйғур һәрикити вә йәнә 18 тәшкилат һәмкарлишип, 2025-йили 10-декабир чаршәнбә күни америка пайтәхти вашингитонда «уйғур ирқий қирғинчилиқиға қаршилиқ» намлиқ муһим паъалийәт өткүзиду. бу паъалийәт муһакимә йиғинлири вә мәдәнийәт көргәзмисини өз ичигә алиду. бу паъалийәт 9-декабир «уйғур ирқий қирғинчилиқини хатирләш күни», 10-декабир «хәлқъара кишилик һоқуқ күни» вә 12-декабир 1985-йили үрүмчидә йүз бәргән оқуғучилар намайишиниң хатирә күни билән тоғра кәлгәнлики үчүн алаһидә әһмийәткә игә.
паъалийәтниң орунлаштурулши: паъалийәтниң асасий программиси чүштин кейин саъәт 1:00 дин 5:00 гичә давам қилидиған ечилиш мурасими вә горуппилар муһакимисидин тәркип тапиду. кәч саъәт 5:00 дин 7:30 гичә күтивелиш мурасими вә әнъәниви нахша-музика вә сәнъәт көрикини өз ичигә алған уйғур мәдәнийәт көргәзмиси өткүзүлиду.
һәмкалашқучилар: уйғур академийиси билән уйғур һәрикити тәшкилати тәрипидин тәшкилләнгән бу паъалийәт австралийә уйғур җәмъийити, уйғур тәтқиқат мәркизи (америка), дрексел университети, канада шәрқий түркистан җәмъийити, шәрқий түркистан тәтқиқат фонди (түркийә), җорҗ вашингитон университети, хәлқъара тибәт һәрикити, хәлқъара җумһурийәтчиләр институти (IRI), мәмликәтлик демократийә институти (NDI), дөләтлик демократийә фонди (NED), шивейтсарийә уйғур җәмъийити, америка уйғур җәмъийити (UAA), уйғур демократийә вә кишилик һоқуқ мәркизи (германийә), йавропа уйғур мәдәнийәт мәркизи (норвегийә), уйғур кишилик һоқуқ қурулуши (UHRP), уйғур һоқуқлирини қоғдаш қурулуши (канада), коммунизм қурбанлирини хатирләш фонди (VOC) вә дунйа уйғур қурултийи (германийә) билән һәмкарлиқида, дунйаниң һәрқайси җайлиридин кәлгән рәһбәрләр вә паъалийәтчиләрни бир йәргә җәм қилмақчи.
қатнашқучиларниң тезимлитиши қарши илинидикән.
вақит вә орун: 2025-йил 10-декабир чүштин кейин саъәт 1:00 дин кәч саъәт 7:30 гичә (америка шәрқ вақти). вашингтон д.с., парламент бинаси зийарәтчиләр мәркизи.
Wednesday, December 10, 2025, in the Capitol Hill Visitor Center, Washington, D.C.
