uyghur pochtisi, özgür uyghur

29-noyabir

uyghur akadémiyisi, uyghur herikiti we yene 18 teshkilat hemkarliship, 2025-yili 10-dékabir charshenbe küni amérika paytexti washin’gitonda «uyghur irqiy qirghinchiliqigha qarshiliq» namliq muhim pa’aliyet ötküzidu. bu pa’aliyet muhakime yighinliri we medeniyet körgezmisini öz ichige alidu. bu pa’aliyet 9-dékabir «uyghur irqiy qirghinchiliqini xatirlesh küni», 10-dékabir «xelq’ara kishilik hoquq küni» we 12-dékabir 1985-yili ürümchide yüz bergen oqughuchilar namayishining xatire küni bilen toghra kelgenliki üchün alahide ehmiyetke ige.

pa’aliyetning orunlashturulshi: pa’aliyetning asasiy programmisi chüshtin kéyin sa’et 1:00 din 5:00 giche dawam qilidighan échilish murasimi  we goruppilar muhakimisidin terkip tapidu. kech sa’et 5:00 din 7:30 giche kütiwélish murasimi we en’eniwi naxsha-muzika we sen’et körikini öz ichige alghan uyghur medeniyet körgezmisi ötküzülidu.

hemkalashquchilar: uyghur akadémiyisi bilen uyghur herikiti teshkilati teripidin teshkillen’gen bu pa’aliyet awstraliye uyghur jem’iyiti, uyghur tetqiqat merkizi (amérika), dréksél uniwérsitéti, kanada sherqiy türkistan jem’iyiti, sherqiy türkistan tetqiqat fondi (türkiye), jorj washin’giton uniwérsitéti, xelq’ara tibet herikiti, xelq’ara jumhuriyetchiler instituti (IRI), memliketlik démokratiye instituti (NDI), döletlik démokratiye fondi (NED), shiwéytsariye uyghur jem’iyiti, amérika uyghur jem’iyiti (UAA), uyghur démokratiye we kishilik hoquq merkizi (gérmaniye), yawropa uyghur medeniyet merkizi (norwégiye), uyghur kishilik hoquq qurulushi (UHRP), uyghur hoquqlirini qoghdash qurulushi (kanada), kommunizm qurbanlirini xatirlesh fondi (VOC) we dunya uyghur qurultiyi (gérmaniye) bilen hemkarliqida, dunyaning herqaysi jayliridin kelgen rehberler we pa’aliyetchilerni bir yerge jem qilmaqchi.

qatnashquchilarning tézimlitishi qarshi ilinidiken.

waqit we orun: 2025-yil 10-dékabir chüshtin kéyin sa’et 1:00 din kech sa’et 7:30 giche (amérika sherq waqti). washin’gton d.s., parlamént binasi ziyaretchiler merkizi.

Wednesday, December 10, 2025, in the Capitol Hill Visitor Center, Washington, D.C.