taratqularning xewirige asaslan’ghanda, yer sharidiki ghayet zor sanliq melumat merkizining mulazimitérni sowutushqa ishlitilidighan tok we sugha bolghan éhtiyaji éship ketkechke, orbita sanliq melumat merkizi uqumi pen-téxnika magnatlirining yaxshi körishige érishken. amazonning qurghuchisi jéf bézos bir nechche kün ilgiri kelgüsi 10 yildin 20 yilghiche bolghan waqit ichide alem boshluqida ming mégawatliq sanliq melumat merkizi qurudighanliqini mölcherligen.
bézos mundaq dégen: «bu chong tiptiki meshiqlendürüsh topliri eng yaxshisi alem boshluqida qurulsa yaxshi, chünki u yerde quyash énérgiyesi bar, pütün kün tok bilen teminlinidu. u yerde bulut yoq, yamghur yoq, hawarayi özgirishi yoq. biz kelgüsi nechche on yil ichide alem boshluqi sanliq melumat merkizining tennerxini töwenliteleymiz.»
bézos nöwettiki sün’iy idrak (AI)qa meblegh sélish dolquni üstide toxtilip mundaq dégen: «biz sün’iy idrakning jem’iyetke peyda qilghan ijabiy tesirige intayin ümidwar qarishimiz kérek, xuddi biz 25 yil burunqi alaqe torigha oxshash, bu heqiqiy mewjut bolup turidu hemde dawamlishidu. eng muhimi yushurun köpük we uning yüz bérish éhtimali bolghan yaki yüz bermeydighan yérilish aqiwitini emeliy ehwaldin perqlendürüshimiz kérek..»
