(memet toxtining »uyghur pochtisi«ning barliqqa kélishige béghishlighan tebrik sözi)

»uyghur pochtisi«ning qurulghanliqigha chin qelbimdin tebriklirimni yollaymen. méningche, bu bizning xelqimiz üchün muhim abide, shundaqla uyghurlarning meydanidin ilip birilidighan musteqil axbaratchiliq üchün alahide muhim bir basquch hésablinidu.

bolupmu, xitay kommunistik partiyesi özining uyghurlargha qaratqan irqiy qirghinchiliqini we bashqa jinayetlirini yoshurush üchün saxta we yalghan uchur teshwiqatini qoralgha aylanduruwatqan bir peytte, »uyghur pochtisi« nahayiti muhim.

»uyghur pochtisi«dek musteqil uyghur taratqusining barliqqa kélishi jiddiy hem tarixiy ehmiyetke ige.

»uyghur pochtisi« musteqil uyghur taratqusi we musteqil axbaratchiliq sahesde uzundin béri saqlinip kelgen boshluqni tolduridu.  biz xitay ishghaliyitidiki sherqiy türkistanda bundaq supini qurushning mumkin emeslikini bilimiz. musteqil uyghur taratqusi süpitidiki »uyghur pochtisi«ning barliqqa kélishi xelqimizning qirghinchiliq astidiki azab-oqubetlirining heqiqiti we muhajirettiki qarshiliq küchimizning dunya jama’etchilikige burmilanmay yitip bérishigha kapaletlik qilidu.

bu yéngi supa arqiliq uyghurlarning awazi emdi xelq’ara taratqu saheside biwasite we süzülmigen halda orun alidu.  »uyghur pochtisi« weziyet heqqide éniqliq we delil-ispat teminleydu hemde xitay kommunistik partiyesining bayanliri we teshwiqatlirigha küchlük qarshi turidu.

yéqin dostum tahir imin uyghuriyan’gha we uning xizmetdashlirigha »uyghur pochtisi«ni barliqqa keltürüshtiki tesewwuri, jasariti we eqidisi  üchün chongqur minnetdarliqimni bildürimen. silerning xizmitinglar adalet, izzet-hörmet we heqiqet yolidiki ortaq kürishimizni kücheytidu.

»uyghur pochtisi«ning qurulghanliqin yene bir qétim qizghin tebrikleymen we kelgüsi qedemliri üchün eng yaxshi tileklirimni bildürimen. 

memet toxti kanadadiki «uyghur heqlirini himaye qilish qurulushi» ning ijra’iye dériktori, kanada hökümitining uyghur qirghinchiliqini étirap qilishi, 10 ming uyghurni köchürüshi we xitayning mejburiy emgek mehsulatlirini chekleshke chaqiriq qilish qatarliq heriketliri sewebidin xitay hökümiti teripidin jaza élan qilin’ghan uyghur pa’aliyetchi.