ömer qanatning «uyghur pochtisi»ning bashlinish murasimida sözligen in’gilizche sözi (jorj washin’giton uniwérsitéti, 20-noyabir),töwendikisi terjime qilin’ghan nusxisi.
méni söz qilishqa teklip qilghanliqinglargha chin könglümdin rehmet éytimen.
aldi bilen, «uyghur pochtisi»ning qurghuchilirini tebrikleymen. bundaq muhim bir axbarat orginining yolgha qoyulushigha guwah bolghanliqimdin bekmu xushalmen, shundaqla buning muhajirettiki musteqil uyghur axbaratchiliq en’enisining bashlinishi bolushini ümid qilimen.
musteqil uyghur taratqu xizmitining sherqiy türkistanda dawamlishiwatqan wehshyliklerni höjjetleshtürüsh we dunya jama’etchilikini dawamliq xewerlendürüsh üchün neqeder muhimiliqi köpchilikke melum.
uyghur tilidiki taratqu eng qattiq tekshürüliwatqan we yoqiliwatqan bir peyttte, «uyghur pochtisi» hem uyghurche hem in’glizche neshri arqiliq, muhajirettiki uyghurlar üchün intayin muhim bir menbe bolalaydu.
mushu yilning béshida erkin asya radi’osi (RFA) uyghur bölümining taqilip qélishi uyghur xelqi üchün zor zerbe boldi.
shu éniq ésmde turuptuki, eyni chaghda amérika hökümiti kommunistik partiye bilen yaxshi diplomatik munasiwet ornitalaymiz dep oylap, myunxéndiki erkin yawropa/azadliq radi’osi (RFE/RL) ning uyghur bölümini taqighan idi . xuddi men bu yilning béshida bir maqalemde yazghinimdek, bu bir stratégiyelik xataliq idi we amérika buningdin sawaq alalmidi. her ikki radi’oda ishlesh sheripige érishken biri bolush süpitim bilen, uyghurche programmining ikkinchi qétim yoqilishi méni azablidi.
musteqil uyghur axbaratchiliqini saqlap qélish üchün waqti, énérgiyesi we bayliqlirini qurban qiliwatqanlarning jasaritige intayin minnetdarmiz. erkin asya radi’osi uyghur bölümining yoqilishigha qarimay, bu bir ewladning tilimiz, medeniyitimiz we eqliy miraslirimizni saqlap qélish iradisidin ümidke tolimen.
«uyghur pochtisi»ning wezipisi biz üchünla emes, belki kelgüsi ewladlar üchünmu intayin halqiliq ehmiyetke ige.
ömer qanat -uyghur kishlik hoquq qurulushi ijra’iye dériktori; tonulghan kishlik hoquq pa’aliyetchisi we bashlamchi.
