уйғур почтиси, 29-сеинтәбир
қсқартип тәрҗимә қилғучи: таһир имин уйғуриъан
йавропада туруватқанда тибәтниң актип қоғдиғучисиға айланған бир хтай оқуғучи, хтай даъирилири тәрипидин тутқун қилинған. униң икки йеқин достиниң ейтишичә, бейҗиң пәқәт дөләт ичидила әмәс, бәлки чәт әлдиму охшимиған авазларни өчүрүш үчүн техиму таҗавузчилиқ билән һәрикәт қиливатиду.
униң достлириниң Associated Press ға ейтип беришичә, хтайниң оттура-җәнубидики чаңша шәһиридин болған дөләт хәвпсизлик хадимлири 22 йашлиқ җаң йадини йазда аъилисини йоқлаш үчүн йуртиға қайтқандин кейин, «бөлгүнчиликкә күшкүртиш» гумани билән тутқун қилған.
җаңниң достлири униң тутулғанлиқини әһвалдин хәвәрдар әмма хтай һөкүмитиниң өч елиштин әнсирәп кимликини ашкарилашни халимайдиған кишләрдин билгән.
җаң чәт әлдә турған мәзгилләрдә, хитайчә, тибәтчә вә инглизчә тилларни раван сөзлийәләйдиған бир буддист болуш сүпити билән, достлириниң ейтишичә, тибәт һоқуқлирини илгири сүрүшкә чоңқур штийақ бағлиған. у «тибәтни қоллайдиған хтай йашлири »( Chinese Youth Stand for Tibet) тәшкилатиға қатнашқан һәмдә тәхәллус астида бейҗиңниң бу райондики сийасәт вә һәрикәтлиригә қарши тәнқид йазған.
