uyghur pochtisi, 29-séintebir
qsqartip terjime qilghuchi: tahir imin uyghuri’an
yawropada turuwatqanda tibetning aktip qoghdighuchisigha aylan’ghan bir xtay oqughuchi, xtay da’iriliri teripidin tutqun qilin’ghan. uning ikki yéqin dostining éytishiche, béyjing peqet dölet ichidila emes, belki chet eldimu oxshimighan awazlarni öchürüsh üchün téximu tajawuzchiliq bilen heriket qiliwatidu.
uning dostlirining Associated Press gha éytip bérishiche, xtayning ottura-jenubidiki changsha shehiridin bolghan dölet xewpsizlik xadimliri 22 yashliq jang yadini yazda a’ilisini yoqlash üchün yurtigha qaytqandin kéyin, «bölgünchilikke küshkürtish» gumani bilen tutqun qilghan.
jangning dostliri uning tutulghanliqini ehwaldin xewerdar emma xtay hökümitining öch élishtin ensirep kimlikini ashkarilashni xalimaydighan kishlerdin bilgen.
jang chet elde turghan mezgillerde, xitayche, tibetche we in’glizche tillarni rawan sözliyeleydighan bir buddist bolush süpiti bilen, dostlirining éytishiche, tibet hoquqlirini ilgiri sürüshke chongqur shtiyaq baghlighan. u «tibetni qollaydighan xtay yashliri »( Chinese Youth Stand for Tibet) teshkilatigha qatnashqan hemde texellus astida béyjingning bu rayondiki siyaset we heriketlirige qarshi tenqid yazghan.
