уйғур почтиси

11-март

2-айниң 28-күни, җиннес дунйа рекорти рәсмий тор бекити қәшқәр университети иҗтимаъий тәнтәрбийә йетәкчилики вә башқуруш кәспиниң 2023-йиллиқ оқуғучиси әли мусаниң бир минутта 188 қетим «қош айланма сәкрәш» (Double Under) нәтиҗиси билән йеңи дунйа рекорти йаратқанлиқини елан қилди. бу нәтиҗә илгирики рекорттин 4 қетим көп. шуниң билән у уйғур вәтинидин чиққан «бир минутлуқ қош айланма сәкрәш» түридә тунҗи гиннес дунйа рекортини сақлиғучи болуп қалди.

қәшқәр вилайитиниң маралбеши наһийәсидин кәлгән әли кичикидинла путбол ойнашқа амрақ болуп, мәйданда тавлинип өзиниң есил бәдән сапасини йетилдүргән. қәшқәр университети тәнтәрбийә институтиға киргәндин кейин, у мәктәпниң арғамча сәкрәш командисиға тизимлатқан.

уйғурларниң бокс вә путбол саһәсидики нәтиҗилири илгири көп қетим етирапқа еришкән. уйғурларниң ичидә тәнтәрбийә саһәсидә нәтиҗиси көрүнәрлик болғанлар көп болсиму, хитайниң тар милләтчилики вә уйғурларниң дунйаға тонулушиниң алдини елиш үчүн уларни техиму йуқири пәллигә өрләштин тосуш хаһиши көпләп тәнқид қилинған.

арғамча сәкрәш командисиниң хтай мәшқавули уни махтап мундақ деди: «әли алаһидә тиришчан, җапаға чидамлиқ йигит. дәл у башқиларға қариғанда көп тәр төккәнлики үчүнла бүгүнкидәк нәтиҗиләргә еришәлиди. техиму қиммәтлик болғини, у пәқәт қош айланма сәкрәш түридила әмәс, бәлки башқа нурғун түрләрдиму дөләт ичидики алдинқи қатардики сәвийәгә игә. командимиз әзалириниң кәлгүсидә хәлқъаралиқ мусабиқиләрдә өз маһаритини көрситишини үмид қилимиз.»

хитай таратқулиридин хәлқ тори, тәңритағ тори вә шнлаң тори бу һәқтә хәвәрләрни илан қилған.