uyghur pochtisi
11-mart
2-ayning 28-küni, jinnés dunya rékorti resmiy tor békiti qeshqer uniwérsitéti ijtima’iy tenterbiye yétekchiliki we bashqurush kespining 2023-yilliq oqughuchisi eli musaning bir minutta 188 qétim «qosh aylanma sekresh» (Double Under) netijisi bilen yéngi dunya rékorti yaratqanliqini élan qildi. bu netije ilgiriki rékorttin 4 qétim köp. shuning bilen u uyghur wetinidin chiqqan «bir minutluq qosh aylanma sekresh» türide tunji ginnés dunya rékortini saqlighuchi bolup qaldi.
qeshqer wilayitining maralbéshi nahiyesidin kelgen eli kichikidinla putbol oynashqa amraq bolup, meydanda tawlinip özining ésil beden sapasini yétildürgen. qeshqer uniwérsitéti tenterbiye institutigha kirgendin kéyin, u mektepning arghamcha sekresh komandisigha tizimlatqan.
uyghurlarning boks we putbol sahesidiki netijiliri ilgiri köp qétim étirapqa érishken. uyghurlarning ichide tenterbiye saheside netijisi körünerlik bolghanlar köp bolsimu, xitayning tar milletchiliki we uyghurlarning dunyagha tonulushining aldini élish üchün ularni téximu yuqiri pellige örleshtin tosush xahishi köplep tenqid qilin’ghan.
arghamcha sekresh komandisining xtay meshqawuli uni maxtap mundaq dédi: «eli alahide tirishchan, japagha chidamliq yigit. del u bashqilargha qarighanda köp ter tökkenliki üchünla bügünkidek netijilerge érishelidi. téximu qimmetlik bolghini, u peqet qosh aylanma sekresh türidila emes, belki bashqa nurghun türlerdimu dölet ichidiki aldinqi qatardiki sewiyege ige. komandimiz ezalirining kelgüside xelq’araliq musabiqilerde öz maharitini körsitishini ümid qilimiz.»
xitay taratquliridin xelq tori, tengritagh tori we shnlang tori bu heqte xewerlerni ilan qilghan.
