uyghur pochtisi, 18-mart

xitay taratquliridin «xelq tori»ning xewer qilishiche, ghuljidin aqsughiche bolghan tömüryolning deslepki layihesi testiqlan’ghan.

xitayning sherqiy türkistan’gha nopus yötkesh we bayliq toshush istratégiyesining bir qismi süpitide dawamlishiwatqan qatnash ul eslihe qurulushida yéngi özgirishler barliqqa kelmekte. xitay tömüryoli 1-charlash-layihelesh instituti guruhi cheklik shirkiti charlap layiheligen ghulja-aqsu tömüryolining deslepki layihesi resmiy testiqlan’ghan bolup, taratqularning diyshiche, bu jenub bilen shimalni tutashturidighan, tengritaghning ichkirisidiki tömüryol tori boshluqini tolduridighan istratégiyelik tömüryol türining mahiyetlik yolgha qoyulush basquchigha kirgenlikidin dérek béridu.

xitay dawam qiliwatqan bu türlük ul eslihe qurulushlirining dölet menpe’iti we xitay milliti yadroluqidiki iqtisadiy tereqqiyatqa xizmet qilip kelgenliki tenqid qilinip kelmekte.