(rehime mahmutning «uyghur pochtsi» tesis qilin’ghanliqigha atap ewetken tebirik sözi)

aldi bilen, men «uyghur pochtisi»ning yolgha qoyulushi bilen semimiy tebriklirimni yollaymen. 

hazir bizning xelqimiz üchün heqiqeten muhim bir mezgildur. saxta uchurlar keng tarqiliwatqan, sün’iy idrak (AI) arqiliq tarqitilghan yalghan uchurlar hemme yerde mewjut bolup turghan, shundaqla xitay hökümitining teshwiqat mashinisi uyghur qirghinchiliqini yoshurush üchün toxtimay tirkishiwatqan bir peytte, musteqil bir uyghur awazining bolushi tolimu zörürdur.

bizning tilimiz, kechürmishlirimiz we heqiqetlirimiz xitayning yoqitish nishanigha aylinip, xewp ichchide qaldi. «uyghur pochtisi»din ibaret uyghur tilidiki bu supa tilimizning kéyinki ewladlar üchün saqlinip qélishida muhim rol oynaydu.

men «uyghur pochtisi»ning qurghuchilirigha we uni yürgüziwatqan guruppigha hörmet bildürimen. silerning sadaqitinglar, kespchanliqinglarwe baturliqinglargha apirin éytimen. silerning qet’iy iradenglar «uyghur pochtisi»ning ishenchlik uchur menbesige aylinidighanliqidin dérek bérip turuptu. men «uyghur pochtisi»ning yalghan uchurlargha taqabil turush, ré’alliqimizni xatirilesh we ortaq awazimizni qoghdashta intayin muhim rol oynaydighanliqigha ishinimen.

silerge utuq tileymen. «uyghur pochtisi» ning kéyinki nurghun yillarghiche heqqaniyet we tirilishning chirighi süpitide parlap turushini ümid qilimen.

chungqur tebrik we qollash bilen

rehime mehmut

(uyghur hoquq pa’aliyetchisi, «uyghur qirghinchiliqini toxtitish» teshkilatining ijra’iye dériktori)