alp uyghur teyyarlighan, 2025-yili, 29-séntebir
xitay shnxwa torining xewer qilishiche, 8-ayning 26-küni, «yéngi weziyette dunyawi térrorluqqa qarshi turush we xewpsizlikni idare qilish: rayon we xelq’ara mes’uliyet» bash témisidiki 3-nöwetlik térrorluqqa qarshi turush xelq’ara muhakime yighini ürümchide ötküzülgen. xitay diplomatiye ministirliki, jama’et xewpsizliki ministirliki, shinjang uyghur aptonom rayoni we xitayning alaqidar aqillar ambiri mekteplirining wekilliri hemde ereb birleshme xelipiliki, misir, rusiye, afriqa ittipaqi qatarliq 20 nechche dölet we rayon teshkilatidiki 100 ge yéqin qatnashquchi bashlinish murasimi, shöbe munber we yépilish murasimigha qatnashqan.
xitay hökümiti 11-séntebir weqesidin kéyin, amérikining térrorluqqa qarshi turush yershari xaraktérlik herikitining pursitidin paydilinip, özini atalmish térrorluq qurbani körsitip, eyni chaghda ottura asiyada heriket qiliwatqan «sherqiy türkistan islam herikiti»ni térrorchi teshkilat dep ilan qilghan we b d t, amérika qatarliq dölet we teshkilatlarning qollishigha érishken.
emma xitay hökümiti térrorluqni bahane qilip, uyghurlarni qanliq basturghan we hetta irqiy qirghinchiliq ilip barghanliqi insan heqliri teshkilatliri we musteqil tetqiqatchilar teripidin jezimleshtürülgen. amérika hökümiti 2021-yili 19-yanwarda xitay hökümiti uyghur we bashqa az sanliq xelqlerge qarshi irqiy qirghinchiliq jinayiti sadir qildi dep eyipligen.
xitay hökümiti térrorchi dep ilan qilghan sherqiy türkistan islam herikiti teshkilatini amérika térrorchi teshkilat tizimlikidin chiqirip tashlighan.
