uyghur pochtisi,12- yanwar
amine sedef
sürette (soldin onggha) abdujélil turan, erkin ekrem, alimjan boghda.
10- yanwar türkiyening herqaysi sheherliridin we chet ellerdin kelgen ziyaliylar, teshkilat mes’ulliri, jama’et erbabliri we wetenperwer yashlardin terkip tapqan ikki yüzdin artuq méhman istanbulning safaköy rayonidiki nérwanis méhmanxanisining merike zaligha yighilip, enqere hajitepe uniwérsitéti tarix fakoltétining oqutquchisi, sitratégiye mutexesisi, uyghur tetqiqat inistutining mudiri, dotsént doktor erkin ekremning ilmiy emgekliri we sherqiy türkistan dewasigha qoshqan töhpisni teqdirlesh, minnetdarliq bildürüsh murasimi ötküzdi.
doktur erkin ekremge sowgha teqdim qilinmaqta.
teklimakan uyghur neshriyatining xojayini abdujélil turan ependining pilanlishi, dunya uyghur qurultiyi wexpi we uyghur tetqiqat inistitutining küch chiqirishi bilen teshkillen’gen bu murasimda dunya uyghur qurultiyining re’isi turghunjan alawudun, teklimakan uyghur neshiriyatining qurghuchisi abdujélil turan we herqaysi teshkilat, dernek wekilliri doktor erkin ekremning ilmiy emgekliri we uyghur dawasigha qoshqan töhpisi heqqide ayrim- ayrim söz qildi. dunya uyghur qurultiyining sabiq re’isi dolqun eysa tebrik widi’osi arqiliq erkin ekremge bolghan minntdarliqini we rehmitini bildürdi.
abdujélil turan ependi sözide hayatini uyghur dawasigha atighan, uyghur xelqige we wetinige xizmet qilghan töhpikarlarni hayat waqtida qedirlesh we minnetdarliq bildürüshning muhimliqini tekitlep ötti.
murasim axirida doktor erkin ekrem ependige ton kiydürüldi we bashqa sowghatlar teqdim qilindi.
