.
zumret dawut amérika hökümiti we xelq’ara jem’iyetni jiyenini qutquzushqa jiddiy chaqirdi
30-öktebir| uyghur taymiz xewiridin terjime qilindi (Uyghur Times)
xitay da’irilirining tor alaqisi we uchur erkinlikige zerbe birish herikiti netijisde, tonulghan uyghur lagér shahidi zumret dawutning 20 yashliq jiyeni xalmurat xélil tutqun qilin’ghan.
zumret dawutning bildürüshiche, bu yash yigitning jinayiti peqetla kueyshow (xitay tik-tok) supisida ortaqlashqan bir süretni «yaqturush» (Like) ni bésip qoyghanliqidur. bu weqe zumret dawutning amérika hökümiti, taratqular we kishilik hoquq pa’aliyetchilirige jiddiy xelq’ara muraji’et qilishigha seweb boldi.
zumret dawutning élan qilghan bayanatigha asaslan’ghanda, xalmurat xélil «peqetla xataliq ötküzmigen bolup, u edeb-exlaqliq bir yash yigit iken». u xitay da’irilirining bundaq sewebsiz tutqun qilish qilmishini qattiq eyibligen. zumret dawut wetendin kelgen qayghuluq xewerlerning üzlüksiz azabini bayan qilip, chong akisining ölüm xewirinimu bir nechche ay ötkendin kéyin anglighanliqini tilgha alghan. u hazir jiyenini qutquzush üchün xelq’ara jem’iyetni bu mesilini kötürüp chiqishqa chaqirdi. u: «men her waqit zhurnalistlar, tetqiqatchilar yaki hökümet emeldarliri bilen bu ish toghrisida sözlishishke teyyar» dédi.
kishilik hoquq teshkilatliri uzundin buyan xitay da’irilirining uyghurlarni chet eldiki tughqanliri bilen bolghan adettiki tor alaqisi üchünmu nishan’gha élishni dawamlashturuwatqanliqi heqqide agahlandurup kelmekte. xitay da’iriliri chet eldiki pa’aliyetchi uyghurlarning a’ile ezalirini jazalash arqiliq, ularning söz hoquqini boghushqa, shundaqla wetendiki uyghurlar arisida qorqunch hasil qilishqa urunmaqta.
terjime qilghuchi: tahir imin
