uyghur pochtisi
ötken düshenbe küni (23-mart) teywendiki tunji qétimliq pirizént we mu’awin pirizént omumiy saylimining 30 yilliq xatire künidur. amérika parlamént ezaliri bayanat élan qilip, teywenning démokratiye musapisini yuqiri bahalidi we teywenni herqaysi döletler üchün «démokratiye we qanun bilen idare qilishning mesh’ili» dep teriplidi.
awam palatasi «dölet mejlisi teywen guruppisi» ning birlikke kelgen re’isi, jumhuriyetchiler partiyesidin bolghan fédératsiye awam palata ezasi mari’o di’as-balart (Mario Diaz-Balart) washin’gton waqti düshenbe chüshtin kéyin ijtima’iy taratqu supisi X te yazma élan qilip mundaq dédi: «30 yil ilgiri, teywen xelqi xitay xelq jumhuriyitining tehdit we qorqutushlirigha pisent qilmay, tunji qétimliq pirizént saylimini ötküzdi, bu hayatiy küchke we qeyserlikke tolghan bir démokratik tüzümning bashlan’ghanliqining belgisidur. … bügünki künde, teywen hindi-tinch okyan rayoni, hetta pütkül dunyaning démokratik qimmet qarishi, nsan heqliri we qanun bilen idare qilishtiki mesh’ilige aylandi.» u yene amérikining, bolupmu dölet mejlisning uzundin buyan teywenni qollap kéliwatqanliqini bildürdi.
«dölet mejlisi teywen guruppisi» ning mu’awin bir re’isi, démokratlar partiyesidin bolghan fédératsiye awam palata ezasi ami béra (Ami Bera) düshenbe chüshtin kéyin X te mundaq dédi: teywen pirizéntini biwasite saylashning 30 yilliqi abide xaraktérlik ehmiyetke ige bolup, «teywen démokratik tüzümining küchlüklükini, qanun bilen idare qilishning mukemmellikini we xelqning qet’iy iradisini namayan qildi.» u dölet mejliside ikki partiye hemkarliqigha dawamliq rehberlik qilip, teywenning bixeterliki, güllinishi we dunya sehniside aktip rol oynishini qollashni ümid qilidighanliqini éytti.
amérika kéngesh palatasi qoralliq küchler komitétining re’isi rojér wikkér (Roger Wicker) düshenbe küni yene bayanat élan qilip, teywen démokratiyesining 30 yilliqini medhiyelidi. u bayanatida mundaq dep yazdi: «tunji pirizéntni biwasite saylap chiqqandin 30 yil kéyin, teywen xelqi amérika we dunyagha özlirining mustebit tajawuzchiliqqa qarshi turushqa jür’et qilidighanliqini körsetti. men ularning hindi-tinch okyan rayonining erkinliki we tinchliqini qoghdash üchün qoshqan töhpilirini tebrikleymen.»
teywen pirizénti ley chingdé féysbukta yazma élan qilip, 30 yil burun teywen xelqining xitayning bashqurulidighan bomba tehditige bash egmey démokratiyeni tallighanliqini eslitip ötti.
u yene qanun turghuzush orginini yéngi dölet mudapi’e xam chotini testiqlashqa chaqirip, peqet yéterlik küch we irade arqiliqla erkinlikni qoghdap qalghili bolidighanliqini tekitlidi.
shuning bilen bir waqitta, amérika bilen yaponiye rehberlirimu teywen boghuzining tinchliqini qoghdaydighanliqini, küch ishlitip hazirqi haletni özgertishke qarshi turidighanliqini bildürdi.
