The Uyghur Post’s Goal, Mission, and Principles

Uyghur Pochtisining Nishani, Wezipisi we Prinsipliri

nishiani (Vision)

uyghur pochtisi – uyghur tilidiki musteqil we kespleshken axbarat wastisi qurush,  uyghurlarning bügünki ré’alliqini xatirilesh we uyghurlarning awazini dunyagha  bildürüshni  ghaye qilidu.

wezipisi (Mission)

1. oqurmenlerge ishenchlik uchur yetküzüsh: uyghur oqurmenlirige toghra, ishenchlik we biterep xewer, tehlil we analizlarni yetküzüsh.
2. dunyagha uyghurlarning ehwalini tonushturush: xelq’ara jama’etchilikni weten ichi we diyasporadiki uyghurlarning nöwettiki weziyiti, uyghurlarning inkasi, uyghur hayati we medeniyiti heqqide ishenchlik we delillik uchurlar bilen teminlesh.
3. nopuzluq pikirlerni ortaqlishish: uyghur alimliri we bashqa uyghurshunas mutexessislerning we ilmiy qurulushlarning doklat we yekünlirini oqurmenlerge yetküzüsh.
4. köp xil awazlargha munazire sehnisi qurush: uyghur diyasporasi ichidiki oxshimighan idiye, pikir, tejribe we tuyghulargha söz erkinliki we ipadilinish pursiti yaritip bérish.
5. tarixiy matériyal supisi berpa qilish: uyghurlarning hazirqi zaman tarixi, azabliri we muweppeqiyetliri toghrisida kelgüsi ewladlar üchün mol tarixiy matériyal supisi qaldurush.

qimmet qarashliri (Core Values)

1. rastchilliq: rastni izdesh, éniq yorutush we rast üstide turush uyghur pochtisining mes’uliyiti. obyéktipliq we delil merkezlik axbaratchiliq uyghur pochtisining ishench menbesi.
2. pikir we söz erkinliki: uyghur pochtisi söz erkinliki, uchur erkinliki we pikir erkinlikige chongqur ishinidu. uyghurlarning mewjutluqigha munasiwetlik héchqandaq awaz sénzorgha uchrimasliqi kérek dep qaraydu.
3. jesurluq: «uyghur pochtisi» saxta uchur, yalghan xewerler, pikir zorawanliqi we qatmalliq bilen tolghan dunyada, kishilerge heqiqetni tekshürüp, pakitlarni toplap, rastni éniqlap sunidu. heqiqetni yoshuridighan mustebitlik, diktaturluq, tehdit, suyiqest we mékirlerge qorqmastin yüzlinidu.
4. barawerlik: uyghur pochtisi uyghur diyasporasidiki perqliq pikir we ijtima’iy qatlamgha tewe kishilerge barawer mu’amile qilidu. xewer qimmiti bar dep qaralghan munasiwetlik kishi we pa’aliyetlerge barawer derijide orun béridu.
5. hürmet: biz oqurmenlirimizning dunyadiki uyghur we uyghur bolmighan, her xil diniy, étnik, medeniy we irqidin teshkil tapidighanliqigha ishinimiz we xewerlirimizni hörmet we hésdashliq bilen yetküzüshke tirishimiz.
6. baghlash: biz uchur we chüshenche arqiliq uyghurlarni dunya bilen, bügünki ewladni kéyinkiler bilen, diyasporadiki uyghurlarni wetendiki uyghurlar bilen baghlashqa tirishimiz.
7. hemkarliq: munewwer xewer we mezmun yaritish üchün, eng yuqiri sewiyediki bilim we maharet telep qilinidu. biz ijadiy we ela xizmetni kapaletlendürüsh üchün, bar bolghan eng yaxshi eqil igiliri bilen hemkarlishishqa tirishimiz.

7. uyghur tili axbaratchiliqni qoghdash: uyghur tili, edebiyati, sen’iti we medeniyiti heqqide xewer qilish, kirizisqa duch kéliwatqan uyghur tilida xewer, eser yézish we tarqitish, kelgüsi ewladlargha uyghur mirasliridin iz qaldurushni uyghur pochtisining shereplik burchidur.

uyghur pochtisi ri’aye qilidighan prinsipilar :

uyghur pochtisi  xewerlirimiz we oqurmenlirimiz bilen uchur ortaqlishish usulimizda, étikiliq axbaratchiliq tori (The Ethical Journalism Network)  otturigha qoyghan étikiliq axbaratchiliqning besh achquchluq prinsipigha ri’aye qilishqa térshchanliq qilimiz.

1- heqiqet we toghriliq   (Heqiqet Ve Toghrliq)

zhurnalistlar hemishe «heqiqet» ke kapaletlik qilalmaydu, lékin pakitni toghra yézish axbaratchiliqning asasliq prinsipidur. biz hemishe toghra bolushqa tiriship, qolimizdiki barliq munasiwetlik pakitlarni bérishimiz we ularning tekshürülgenlikige kapaletlik qilishimiz kérek. eger biz uchurni delillep bérelmisek, shundaq déyishimiz kérek.

2. musteqilliq (Musteqilliq)

zhurnalistlar musteqil awaz bolushi kérek; biz siyas’on, karxanichi yaki medeniyetke a’it alahide menpe’etlerge wakaliten resmiy yaki gheyriy resmiy halda heriket qilmasliqimiz kérek. biz özimizning menpe’et toqunushi peyda qilishi mumkin bolghan herqandaq siyasiy baghlinishlirimiz, iqtisadiy kélishimlirimiz yaki bashqa shexsiy uchurlirimizni tehrirlirimizge yaki anglighuchilargha élan qilishimiz kérek.

3. adilliq we bétereplik (Adilliq Ve Bitereplik)

köpinche hékayilerning eng az dégende ikki teripi bar. gerche her bir eserde her bir terepni tonushturush mejburiyiti bolmisimu, lékin hékayiler tengpung bolushi we konétkist we arqa körünüsh qoshulu shi kérek. her qachan obéktip  bolush  mumkin emes, hemde herqachan obéktip bolushmu muwapiq bolmasliqi mumkin (mesilen, wehshilik yaki gheyri nsani weqelergg duch kelgende), lékin béterep doklat qilish ishench we étiqadni kücheytidu.

4. insaniyliq (Insaniyliq)

zhurnalistlar héchqandaq bashqilargha ziyan yetküzmesliki kérek. biz élan qilghan yaki tarqatqan nersiler azabliq bolushi mumkin, lékin biz söz we süretlirimizning bashqilarning hayatigha körsitidighan tesirini bilishimiz kérek.

5-jawapkarliq (Jawapkarliq)

kespchanliq we mes’uliyetchan axbaratchiliqning éniq belgisi- özimizni jawabkarliqqa tartish iqtidarimizdur. biz xataliq sadir qilghanda, choqum uni tüzitishimiz kérek, xataliqimizni étirap qilishmiz- öchmenlikni ipadilesh emes, semimiy bolushi kérek . biz oqurmen (anglighuchilar)ning  endishisge qulaq salimiz. oqurmenlerning yazghanliri yaki dégenlirini özgertmeslikimiz mumkin, lékin biz adil bolalmighan chéghimizda,  haman bir  chare bilen teminleymiz.