shenbe küni chüshtin burun:
1.iranning pastur rayuni bombalan’ghan bolup, iranning yadro quralini tereqqi qildurush mesiliside muhim rol oynighan aliy milliy bixeterlik kéngishi we inqilabiy muhapizetchiler armiyesining istixbarat idarisi qatarliq nurghun muhim dölet apparatliri mushu yerge jaylashqan. jumhur re’is mehkimisi we aliy rehber eli xamaneyning turalghusimu mushu rayun’gha jaylashqan. biraq, xamene’i urushtin burunla ismi ashkarilanmighan bashqa bir jaygha yötkelgen.
2.amrikida turushluq iran shahzadisi riza pehlewi sinliq bayanatida: «amérika qoshma ishtatliri pirézidéntining jesur iran xelqige wede qilghan yardimi axiri yétip keldi» dédi. bu qétimliq arilishishni «dostane» dep süpetligen pehlewi, hujum nishanining iran milliti emes, belki islam jumhuriyiti réjimi we xewpsizlik apparatliri ikenlikini ilgiri sürdi.
pehlewi: «öyde qélip, özünglarni qoghdanglar, emma waqti kelgende kochilargha qaytip chiqishqa teyyar turunglar» dédi. 1979-yildiki islam inqilabi bilen texttin chüshürülgen iran shahining oghli bolghan shahzade, qiriq yildin buyan amérika qoshma ishtatlirida sürgünde yashawatidu. u döletni qayta qurush üchün eng qisqa waqit ichide iran’gha qaytish arzusini éyitti.
3.iran amrika we ittipaqdashlirigha qayturma hujum qozghidi
iran isra’iliyege bashquruldighan bomba qoyup berdi. uningdin bashqa ebuzebi, behreyin, riyad…qatarliq rayonlarda iranning öch élish xaraktérlik hujumliri körüldi. se’udi erebistan, qatar, behreyin… qatarliq amrika herbiy gazarmisi bolghan döletler jiddiy haletke ötti.
se’udi erebistanning paytexti riyadtta partlash awazliri anglandi. qatar mudapi’e ministirliqining bildürüshiche, qatar öz zéminini nishanlighan her xil hujumlarni «tosup qalghan». shuning bilen bir waqitta, behreyindiki bir amérika bazisi hujumgha uchrighan. mes’ullarning éytishiche, amérika 5-floti qomandanliq shtabidiki bir nishan «bashqurulidighan bomba hujumi»gha duch kelgen. ebuzebide, ereb birleshme xelipiliki qisimliri iranning bashqurulidighan bombilirini tosuwélish jeryanida bir kishi qaza qilghan. iraqta bolsa erbildiki amérika konsulxanisi etrapida bir qanche partlash awazi anglan’ghan.
4.awi’atsiye shirketlirining ehwali:
isra’iliye bilen amérikining iran’gha qaratqan herbiy herikiti we uningdin kéyin otturigha chiqqan öch élish hujumliri sewebidin ottura sherqning hawa boshluqida chong qalaymiqanchiliq yüz berdi. awi’atsiye shirketliri ottura sheriqtiki hawa qatnishini toxtatti.
5.isra’iliye armiyesi iranning gherbidiki «yüzlerche herbiy nishan»gha zerbe bergenlikini resmi élan qildi.
isra’iliye armiyesi shenbe küni amérika bashchiliqida bashlan’ghan birleshme herikettin kéyin, «bashqurulidighan bomba qoyup bérish supilirini öz ichige alghan yüzlerche iran herbiy nishani»gha zerbe bergenlikini bildürdi.
6.roytérs agéntliqigha söz qilghan iran hakimiyitige yéqin bir menbening bildürüshiche, shenbe küni amérika we isra’iliye teripidin élip bérilghan bir yürüsh hawa hujumlirida iran inqilabiy muhapizetchiler qismining qomandanliri we bezi siyasiy erbablar öltürülgen. iranliq bir herbiy emeldar, hujumlarda aliy rehber eli xaminéyning nishanlan’ghan yaki nishanlanmighanliqi heqqidiki so’algha jawab bérishtin özini qachurghan.
ihsan teyyarlighan
